ପୁଣି ପରଦାରେ ଏକାଠି ହେବେ ୯୦ ଦଶକର ସୁପରହିଟ ଯୋଡି ସଞ୍ଜୟ ଦତ୍ତ ଓ ରବୀନା ଟଣ୍ଡନ
ମୁମ୍ବାଇ : ବଲିଉଡ ଅଭିନେତା ସଞ୍ଜୟ ଦତ୍ତ ଏବଂ ଅଭିନେତ୍ରୀ ରବୀନା ଟଣ୍ଡନ ୯୦ ଦଶକର ସୁପରହିଟ ଯୋଡି ଥିଲେ । ଉଭୟ ଅନେକ ସୁପରହିଟ୍ ଫିଲ୍ମରେ କାମ କରିଛନ୍ତି । ଏବେ ଉଭୟ କଳାକାରଙ୍କୁ ପୁଣି ଥରେ ଏକାଠି ଦେଖିବାକୁ ମିଳିବ । ସଞ୍ଜୟ ଓ ରବିନା ଖୁବ୍ ଶୀଘ୍ର ରୋମାଣ୍ଟିକ୍ କମେଡି ଡ୍ରାମା ଫିଲ୍ମ ‘ଘୁଡ଼ଚଡ଼ି’ ରେ ନଜର ଆସିବେ । ସେ ଏହି ଫିଲ୍ମର ସୁଟିଂ ମଧ୍ୟ ଆରମ୍ଭ ହେଇଛି ।
ନିକଟରେ ଏହି ଫିଲ୍ମ ର ଟିଜର ରିଲିଜ ହେଇଥିଲା । ଏହି ଚଳଚ୍ଚିତ୍ରରେ ରବିନା ଏବଂ ସଞ୍ଜୟଙ୍କ ବ୍ୟତୀତ ଅରୁଣା ଇରାନୀ ଏବଂ ଗୁଲଶନ କୁମାରଙ୍କ ଝିଅ ଖୁଶଲି କୁମାର ମଧ୍ୟ ଅଭିନୟ କରିଛନ୍ତି । ଏହା ସହିତ ଟିଭି ସିରିଏଲ ‘କସୌଟୀ ଜିନ୍ଦେଗୀ କି’ ର ଅଭିନେତା ପାର୍ଥ ସମଥାନ ମଧ୍ୟ ଏହି ଚଳଚ୍ଚିତ୍ର ସହିତ ବଲିଉଡରେ ଡେବ୍ୟୁ କରିବେ । ଟୁଇଟରରେ ଫିଲ୍ମର ଟିଜର ସେୟାର କରି ଟି-ସିରିଜ କ୍ୟାପସନରେ ଲେଖିଛି, ଯେତେବେଳେ ୯୦ ଦଶକର ହିଟ୍ ଦମ୍ପତି ନୂଆ ଯୁଗ ପ୍ରେମୀଙ୍କୁ ଭେଟିବେ, ସେତେବେଳେ ନିଶ୍ଚୟ ଫିଲ୍ମ ଟି ଖୁବ ମଜାଦାର ହେବ ।
ସଞ୍ଜୟ ଦତ୍ତ ମଧ୍ୟ ଏହି ଚଳଚ୍ଚିତ୍ରର ଟିଜରକୁ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ସେୟାର କରିଛନ୍ତି ଏବଂ ଏହାର କ୍ୟାପସନରେ ଲେଖା ଯାଇଛି ‘ହସ ଏବଂ ଡ୍ରାମା ଖୁବ୍ ଶୀଘ୍ର ଆପଣଙ୍କ ପାଖରେ ପହଂଚିବ ଫିଲ୍ମ ‘ଘୁଡ଼ଚଡ଼ି’ ମାଧ୍ୟମରେ । ପ୍ରଶଂସକମାନେ ଅଭିନେତାଙ୍କ ଏହି ପୋଷ୍ଟ ଟି କୁ ଖୁବ ପ୍ରଶଂସା କରିଛନ୍ତି I
