ବାଲେଶ୍ୱର : ବିସିଆଇସିର ନୂତନ ସଭାପତି ସଞ୍ଜୟ ଦାସ
ବାଲେଶ୍ୱର : ବାଲେଶ୍ୱର ଚେମ୍ବର ଅଫ୍ ଇଣ୍ଡଷ୍ଟ୍ରିଜ୍ ଆଣ୍ଡ କମର୍ସ (ବିସିଆଇସି)ର ନୂତନ ସଭାପତି ଭାବେ ଦାୟିତ୍ୱ ନେଲେ ସଞ୍ଜୟ କୁମାର ଦାସ । ତାଙ୍କୁ ମଧ୍ୟକାଳୀନ ସଭାପତି ନିଯୁକ୍ତ କରାଯାଇଛି । ସୋମବାର ସନ୍ଧ୍ୟାରେ ସଂଘର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଥିଲା । ବୈଠକରେ ନିଷ୍ପତ୍ତି ଅନୁସାରେ ପରବର୍ତ୍ତୀ ନିର୍ବାଚନ ପର୍ଯ୍ୟନ୍ତ ଶ୍ରୀ ଦାସଙ୍କୁ ସଭାପତି ଭାବେ ଚୟନ କରାଯାଇଛି ।
ସୂଚନାଯୋଗ୍ୟ ଯେ, ସଂଘର ପ୍ରତିଷ୍ଠାତା ସଦସ୍ୟ ହିମାଂଶୁ ଦାସଙ୍କ ଦେହାନ୍ତ ପରେ ଏହି ସଭାପତି ପଦ ଖାଲି ପଡ଼ିଥିଲା । ସଂଘର ଆଗାମୀ ନିର୍ବାଚନ ଆସନ୍ତାବର୍ଷ ଜୁନ୍ କିମ୍ବା ଜୁଲାଇ ମାସରେ ଅନୁଷ୍ଠିତ ହେବ । ତେବେ ସଂଘର ପରିଚାଳନାକୁ ଦୃଷ୍ଟିରେ ରଖି ମଧ୍ୟକାଳୀନ ସଭାପତି ନିଯୁକ୍ତି କରାଯାଇଛି । ସଞ୍ଜୟ ୰ ହିମାଂଶୁ ଦାସଙ୍କ ଜ୍ୟେଷ୍ଠ ପୁତ୍ର ।
