ୟୁକ୍ରେନ ଉପରେ ୮୧ଟି କ୍ଷେପଣାସ୍ତ୍ର ମାଡ଼ କଲା ରୁଷିଆ

ନୂଆଦିଲ୍ଲୀ : ୟୁକ୍ରେନର ବିଭିନ୍ନ ସ୍ଥାନରେ ରୁଷିଆ କରିଛି ଭୟଙ୍କର କ୍ଷେପଣାସ୍ତ୍ର ମାଡ଼ । ୮୧ଟି କ୍ଷେପଣାସ୍ତ୍ର ମାଡ଼ କରିଛି ରୁଷିଆ । ତେବେ ଏହି କ୍ଷେପଣାସ୍ତ୍ରଗୁଡିକ କେତେ ପାୱାରଫୁଲ ଜାଣିଲେ ଆଶ୍ଚର୍ଯ୍ୟ ହୋଇଯିବେ । ଦୀର୍ଘଦିନ ଧରି ରୁଷ ଓ ୟୁକ୍ରେନ୍ ମଧ୍ୟରେ ଚାଲିଛି ଘମାଘୋଟ ଲଢେଇ । ବିଶ୍ୱର ଏକ ପାୱାରଫୁଲ ଦେଶ ରୁଷିଆକୁ କଡା ଟକର ଦେଉଛି ୟୁକ୍ରେନ୍ । ଦବି ଯାଉନି କି ପଛଘୁଞ୍ଚା ଦେଉନି । ଯୁଦ୍ଧ ଚଳାଇଛି । କହିବାକୁ ଗଲେ ପଥର ସହ କାଳର କପାଳର ଚାଲିଛି ଲଢେଇ । ଏହାରି ଭିତରେ ରୁୁଷିଆ ୟୁକ୍ରେନ୍ ଉପରେ ୮୧ଟି କ୍ଷେପଣାସ୍ତ୍ର ମାଡ଼ କରିଛି । ସବୁଗୁଡିକ ଥିଲା ହାଇପରସୋନିକ୍ କ୍ଷେପଣାସ୍ତ୍ର ।

ଯାହା କିଞ୍ଜାଲସ୍ ବା ଡାଗର୍ସ ଭାବେ ଜଣାଶୁଣା । ଏଗୁଡିକର ବେଗ ଶବ୍ଦର ବେଗଠାରୁ ପାଞ୍ଚ ଗୁଣ ଅଧିକ । ଏହି କ୍ଷେପଣାସ୍ତ୍ରଗୁଡ଼ିକୁ ଚିହ୍ନଟ କରିବା ଏବଂ ଗୁଳି କରିବା ଅତ୍ୟନ୍ତ କଷ୍ଟକର । ୟୁକ୍ରେନର ଅତ୍ୟାଧୁନିକ ରାଡାରରେ ଏହି କ୍ଷେପଣାସ୍ତ୍ରଗୁଡ଼ିକ ଲାଗି ନଥିଲା । ମାର୍ଚ୍ଚ ୯ରେ ୟୁକ୍ରେନ ବିରୁଦ୍ଧରେ ସପ୍ତାହକ ମଧ୍ୟରେ ରୁଷିଆ ସର୍ବ ବୃହତ ବିମାନ ଆକ୍ରମଣ କରି ୧୦ ଟି ଅଞ୍ଚଳର ଭିତ୍ତିଭୂମି ଧ୍ୱଂସ କରିଦେଇଛି । ଆବାସିକ ଅଟ୍ଟାଳିକା ଉପରେ ଆକ୍ରମଣ କରିବାରୁ ୯ ଜଣଙ୍କ ମୃତ୍ୟୁ ଘଟିଛି। ମସ୍କୋ ଦ୍ୱାରା ଉତକ୍ଷେପଣ କରାଯାଇଥିବା ହାଇପରସୋନିକ୍ କ୍ଷେପଣାସ୍ତ୍ରକୁ ଅଟକାଇାରିନଥିଲା ୟୁକ୍ରେନ ପ୍ରତିରକ୍ଷା ବାହିନୀ । ୟୁକ୍ରେନ ବାୟୁସେନା ମୁଖପାତ୍ର ୟୁରୀ ଇଗନାଟ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ରୁଷିଆର ଏହା ଏକ ପ୍ରମୁଖ ଆକ୍ରମଣ ।