ଗୋପ ପ୍ରିମିୟର ଲିଗ୍ ସିମିଳିକୁ ହରାଇ ରୁଦ୍ରାଣି ରୟାଲସର ତୃତୀୟ ବିଜୟ
ଗୋପ : ଗୋପ ବ୍ଲକ ବିରୁତୁଙ୍ଗ ଖେଳ ପଡ଼ିଆରେ ସେବକ ସଙ୍ଗଠନ ପକ୍ଷରୁ ଆୟୋଜିତ ହେଉଥିବା ଗୋପ ପ୍ରିମିୟର ଲିଗ୍ ରେ ମଙ୍ଗଳବାର ଅନୁଷ୍ଠିତ ହୋଇଥିବା ଏକ ଲିଗ୍ ମ୍ୟାଚରେ ସିମିଳିକୁ ହରାଇ ରୁଦ୍ରାଣି ରୟାଲସ ସୂତନ ତୃତୀୟ ବିଜୟ ହାସଲ କରିଛି । ପ୍ରଥମେ ବ୍ୟାଟିଂ କରି ସିମିଳି ୧୨ ଓଭରରେ ୧୦ ୱିକେଟ ହରାଇ ମାତ୍ର ୪୭ ରନ ସଂଗ୍ରହ କରିଥିଲା । ଦିତୀୟ ଇନିସ୍ ରେ ସୁତନ ରୁଦ୍ରାଣି ରୟାଲସ ୯ ଓଭରରେ ୪ ୱିକେଟ ହରାଇ ଆବଶ୍ୟକ ରନ ସଂଗ୍ରହ କରି ବିଜୟ ଲାଭ କରିଥିଲା । ସୂତନ ୪ ଟି ଲିଗ୍ ମ୍ୟାଚରୁ ୩ଟିରେ ବିଜୟ ହାସଲ କରି ଟାଇଟଲ ଦାବିଦାର ହୋଇଛି । ପ୍ରଥମ ଇନିସରେ ମୂଲ୍ୟବାନ ୩ ୱିକେଟ୍ ନେଇଥିବା ମନମୋହନ ପରିଡାଙ୍କୁ ମ୍ୟାଚର ଶ୍ରେଷ୍ଠ ଖେଳାଳି ଭାବେ ପୁରସ୍କୃତ କରଯାଇଥିଲା । ମ୍ୟାଚ୍ ସମୟରେ ସୁତନ ରୁଦ୍ରାଣି ରୟାଲସ ମାଲିକ ତ୍ରିଲୋଚନ ସ୍ୱାଇଁ, ମେଣ୍ଟର ଜ୍ଞାନ ରଞ୍ଜନ ବିଶ୍ୱାଳ, ସୁତନ ପୂର୍ବତନ ସରପଞ୍ଚ ଅଶୋକ ବିଶ୍ୱାଳ, କ୍ରୀଡ଼ାପ୍ରେମୀ ଅକ୍ଷୟ ପ୍ରଧାନ, ସୁଦର୍ଶନ ବେହେରା, ପ୍ରକାଶ ସ୍ୱାଇଁ, ସମୀର ରାଉତ ଓ ବିନୋଦ ବାରିକ ପ୍ରମୁଖ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଏହି ଖେଳକୁ ସେବକ ସଙ୍ଗଠନ ପକ୍ଷରୁ ଆଲୋକ ଜେନା, ମନୋଜ ଦାଶ, ସିନୁ, ନିହାର ରଞ୍ଜନ, ନୀଳମଣି, ରାଜେଶ ଓ ପପୁ ପ୍ରମୁଖ ପରିଚାଳନା କରିଥିଲେ । ସାମ୍ବାଦିକ ଜ୍ଞାନ ବିଶ୍ୱାଳ ଖେଳର ଧାରା ବିବରଣୀ ପ୍ରଦାନ କରିଥିଲେ ।
