ଭୂମିକମ୍ପ ପୀଡ଼ିତଙ୍କ ସହାୟତା ପାଇଁ ନିଲାମ ହେବ ରୋନାଲ୍ଡୋଙ୍କ ଜର୍ସି
ନୂଆଦିଲ୍ଲୀ: ତୁର୍କୀ-ସିରିଆରେ ଘଟିଥିବା ଶକ୍ତିଶାଳୀ ଭୂମିକମ୍ପ ବିଭୀଷିକା ପ୍ରଳୟଙ୍କରୀ ସ୍ଥିତି ଆଣିଛି। ହଜାର ହଜାର ଲୋକଙ୍କ ଜୀବନହାନି ଘଟିଥିବା ବେଳେ ପ୍ରତି ମିନିଟ୍ରେ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି । ଏପରିକି ଏବେ ବି ଅନେକ ନିଖୋଜ ଅଛନ୍ତି। ତେବେ ପୀଡ଼ିତଙ୍କୁ ସହାୟତା ଯୋଗାଇ ଦେବାକୁ ଆଗେଇ ଆସିଛନ୍ତି ଜୁଭେଣ୍ଟସ୍ର ପୂର୍ବତନ ଡିଫେଣ୍ଡର ମେରି ଡେମିରାଲ୍। ସେ ତାଙ୍କ ପାଖରେ ଥିବା ପୂର୍ବତନ ସାଥୀ ଖେଳାଳି କ୍ରିଷ୍ଟିଆନୋ ରୋନାଲ୍ଡୋଙ୍କ ଏକ ଅଟୋଗ୍ରାଫ ସମ୍ବଳିତ ଜର୍ସିକୁ ନିଲାମ କରିବେ। ନିଲାମରୁ ଆୟ ଅର୍ଥକୁ ଭୂମିକମ୍ପ ପୀଡ଼ିତଙ୍କ ପାଇଁ ଏକ ଏନ୍ଜିଓ ମାଧ୍ୟମରେ ଦାନ କରିବେ ବୋଲି ଟ୍ବିଟରରେ ଜଣାଇଛନ୍ତି। ଏ ସମ୍ପର୍କରେ ସେ ରୋନାଲ୍ଡୋଙ୍କ ସହିତ ଆଲୋଚନା କରିଥିବା ସୂଚନା ଦେଇଛନ୍ତି।
