ଆଇପିଏଲ୍ରେ ସବୁଠୁ ଅଧିକ ଛକା ତାଲିକାରେ ତୃତୀୟରେ ରୋହିତ
ଚେନ୍ନାଇ : ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)-୨୦୨୧ ୧୪ଶ ସଂସ୍କରଣର ନବମ ମୁକାବିଲାରେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ରୋହିତ ଶର୍ମା ବଡ ରେକର୍ଡର ଅଧିକାରୀ ହୋଇଛନ୍ତି। ଟୁର୍ଣ୍ଣାମେଣ୍ଟରେ ଭାରତୀୟ ବ୍ୟାଟସମ୍ୟାନ ଭାବେ ସବୁଠୁ ଅଧିକ ଛକା ମାରିବାର ରେକର୍ଡ ନିଜ ନାଁରେ କରିଛନ୍ତି। ରୋହିତ ମହେନ୍ଦ୍ର ସିଂହ ଧୋନୀଙ୍କୁ ପଛରେ ପକାଇ ଏହି ରେକର୍ଡ କରିଛନ୍ତି।
ରୋହିତ ଶର୍ମା ତୃତୀୟ ଓଭରରେ ମୁଜିବ ଉର ରେହମାନଙ୍କ ୫ମ ବଲ୍ରେ ଛକା ମାରି ଚେନ୍ନାଇ ସୁପରକିଙ୍ଗ୍ସର ଅଧିନାୟକ ଏମଏସ ଧୋନୀଙ୍କ ୨୧୬ ଛକାର ସମକକ୍ଷ ହୋଇଥିଲେ। ଏହାର ପରବର୍ତ୍ତୀ ଓଭରରେ ଭୁବନେଶ୍ଵର କୁମାରଙ୍କୁ ଛକା ମାରି ଧୋନୀଙ୍କୁ ପଛରେ ପକାଇଛନ୍ତି। ରୋହିତ ଏହି ମ୍ୟାଚ୍ରେ ୨୫ ବଲ୍ରୁ ୨ ଚୌକା ଓ ୨ ଛକା ସହ ୩୨ ରନ କରି ଆଉଟ୍ ହୋଇଥିଲେ। ଏହି ମ୍ୟାଚ୍ ପୂର୍ବରୁ ରୋହିତ ଆଇପିଏଲ୍ରେ ୨୧୫ ଛକା ମାରିଥିଲେ। ସବୁଠୁ ଅଧିକ ଛକା ମାରିବା ତାଲିକାରେ ରୋହିତ ଶର୍ମା ତୃତୀୟରେ ପହଞ୍ଚିଛନ୍ତି। କ୍ରିସ୍ ଗେଲ୍ ୩୫୧ ଛକା ସହ ପ୍ରଥମରେ ଏବଂ ୨୩୭ ଛକା ସହ ଏବି ଡିଭିଲିୟର୍ସ ଦ୍ଵିତୀୟରେ ଅଛନ୍ତି।
