ରିଓ ସୁଟିଂ ବିଶ୍ୱକପ୍ : ୧୦ ମିଟର ଏୟାର ରାଇଫଲ୍ରେ ସ୍ୱର୍ଣ୍ଣ ଜିତିଲେ ଇଲାବେନିଲ ବଲାରିବାନ
ନୂଆଦିଲ୍ଲୀ : ରିଓ ସୁଟିଂ ବିଶ୍ୱକପ୍ରେ ଚମକିଲେ ଅଲମ୍ପିଆନ୍ ଇଲାବେନିଲ ବଲାରିବାନ । ଅଲମ୍ପିଆନ୍ ଇଲାବେନିଲ ବଲାରିବାନ ମହିଳା ବର୍ଗର ୧୦ ମିଟର ଏୟାର ରାଇଫଲ୍ ଇଭେଣ୍ଟରେ ଜିତିଲେ ସ୍ୱର୍ଣ୍ଣପଦକ।
ରିଓ ଦେ ଜାନେରିଓରେ ଆୟୋଜିତ ରିଓ ସୁଟିଂ ଆଇଏସ୍ଏସ୍ଏଫ୍ ବିଶ୍ୱକପ୍ର ରାଇଫଲ୍ ପ୍ରତିଯୋଗିତାରେ ହାସଲ କରିଛନ୍ତି ସ୍ୱର୍ଣ୍ଣ ପଦକ। ବିଶ୍ୱକପ୍ରେ ଏହା ତାଙ୍କର ଦ୍ୱିତୀୟ ଗୋଲ୍ଡ ମେଡାଲ। ୮ ଜଣ ମହିଳାଙ୍କ ମଧ୍ୟରେ ଜବରଦସ୍ତ ପ୍ରଦର୍ଶନ କରିଥିଲେ ଇଲାବେନିଲ। ସେ ଫାଇନାଲରେ ୨୪ଟି ସଟ୍ରେ କୌଣସି ବି ପ୍ରତିଯୋଗୀ ୧୦.୧ର କମ୍ ପଏଣ୍ଟ କରିପାରିନାହାନ୍ତି। ଇଲାବେନିଲ ୨୫୨.୨ ପଏଣ୍ଟ ସହ ଫ୍ରାନ୍ସର ଓୌସିଏନ୍ ମ୍ୟୁଲରଙ୍କୁ ପରାସ୍ତ କରିଛନ୍ତି। ମ୍ୟୁଲର ୨୫୧.୯ ପଏଣ୍ଟ ସହ ଦ୍ୱିତୀୟ ସ୍ଥାନରେ ରହିଛନ୍ତି। ଚୀନର ହେଂଗ ଜିୟାଲେ ତୃତୀୟ ସ୍ଥାନରେ କାଂସ୍ୟ ପଦକ ଜିତିଛନ୍ତି।
ସୂଚନା ଯେ, ଇଲାବେନିଲ ୬୩୦.୫ ପଏଣ୍ଟ ସହ କ୍ୱାଲିଫିକେସ୍ନ ପର୍ଯ୍ୟାୟରେ ଅଷ୍ଟମ ସ୍ଥାନରେ ଥାଇ ଫାଇନାଲରେ ପ୍ରବେଶ କରିଥିଲେ। ମ୍ୟୁଲର ୬୩୩.୭ ପଏଣ୍ଟ ସହ ଟପ୍ରେ ଥିଲେ। କିନ୍ତୁ ଫାଇନାଲ ରାଉଣ୍ଡରେ ଟପ୍ରେ ରହିଲେ ଇଲାବେନିଲ ।
