ଦୁଇ ଜଣ ଶିକ୍ଷକଙ୍କୁ ଅବସର କାଳୀନ ସମ୍ବର୍ଦ୍ଧନା ପ୍ରଦାନ
ରସାଳପୁର : ବାଲେଶ୍ୱର ଜିଲା ସଦର ବ୍ଲକ ଅନ୍ତର୍ଗତ ଆଳୁମେଦା ପଞ୍ଚାୟତ ନୁଣକୁଣ୍ଡି ସରକାରୀ ନୂତନ ପ୍ରାଥମିକ ବିଦ୍ୟାଳୟର ଦୁଇ ଜଣ ଶିକ୍ଷକଙ୍କୁ ଅବସର କାଳୀନ ସମ୍ବର୍ଦ୍ଧନା ଉତ୍ସବ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି ।
ବଳରାମ ସାହୁଙ୍କ ପୌରହିତ୍ୟରେ ଅନୁଷ୍ଠିତ ସମ୍ବର୍ଦ୍ଧନା ଉତ୍ସବରେ ମୁଖ୍ୟଅତିଥି ଭାବେ ଅବସରପ୍ରାପ୍ତ ପ୍ରଧାନ ଶିକ୍ଷକ ବଳରାମ ସାହୁ ଯୋଗଦେଇଥିବା ବେଳେ ମୁଖ୍ୟବକ୍ତା ଭାବେ ବାଗୁଡ଼ି ସୋର ସ୍ଥିତ ଇଟିଇଆଇର ଅଧ୍ୟକ୍ଷ ସୁଶାନ୍ତ ସେଠୀ, ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ତଥା ସ୍କୁଲ ପରିଚାଳନା କମିଟିର ସଦସ୍ୟ କୁଳମଣି ପଟ୍ଟାୟତ ଯୋଗ ଦେଇଥିଲେ । ପୁରାତନ ଛାତ୍ର ତଥା କଳାହାଣ୍ଡି ଜିଲାରେ ଶିକ୍ଷକ ପ୍ରଶିକ୍ଷକ ଭାବେ କାର୍ଯ୍ୟରତ ଇଶ୍ୱର ଚନ୍ଦ୍ର ବେହେରାଙ୍କ ପ୍ରଚେଷ୍ଟାରେ କାର୍ଯ୍ୟକ୍ରମ ଆୟୋଜିତ ହୋଇଥିଲା । କିଶୋର କୁମାର ବେହେରା, ବାସୁଦେବ ମଲିକ, ଚନ୍ଦନ ବେହେରା, ଜୟନ୍ତ ବେହେରାଙ୍କ ସମେତ ବହୁ ଗ୍ରାମବାସୀ କାର୍ଯ୍ୟକ୍ରମରେ ସହଯୋଗ କରିଥିଲେ । ଅବସର ପ୍ରାପ୍ତ ପୂର୍ବତନ ପ୍ରଧାନ ଶିକ୍ଷକ ହୃଦାନନ୍ଦ ସାହୁ ଏବଂ ପ୍ରଧାନ ଶିକ୍ଷକ ଶମ୍ଭୁନାଥ ସାହୁ ଦ୍ୱୟଙ୍କୁ ଉପଢୌକନ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା । ଉକ୍ତ ବିଦ୍ୟାଳୟ ୨୫ବର୍ଷରେ ପଦାର୍ପଣ କରିଥିବାରୁ ପୁରାତନ ଛାତ୍ରୀଛାତ୍ରମାନେ ଶିକ୍ଷକଙ୍କ ପାଦ ଧୋଇବା ସହ ଫୁଲ ଚନ୍ଦନ ଦେଇ ଭକ୍ତିମୟ ପରିବେଶ ମଧ୍ୟରେ ସମ୍ବର୍ଦ୍ଧିତ କରିଥଲେ ।
