ବିପିୟୁଟିର ଶେଷ ବର୍ଷ ପରୀକ୍ଷା ଫଳ ପ୍ରକାଶିତ
ରାଉରକେଲା : ବିଜୁ ପଟ୍ଟନାୟକ ବୈଷୟିକ ବିଶ୍ବବିଦ୍ୟାଳୟ(ବିପିୟୁଟି)ର ଶେଷ ବର୍ଷ ପରୀକ୍ଷା ଫଳ ଆଜି ପ୍ରକାଶିତ ହୋଇଛି। ପୂର୍ବାପେକ୍ଷା ଏଥର ଉନ୍ନତ ପ୍ରଦର୍ଶନ କରିଥିବା ଜଣାପଡ଼ିଛି। ଗତ ଜୁଲାଇ ୬ ତାରିଖରେ ଏମ୍ସିଏ ଓ ବି.ଟେକ୍ ପରୀକ୍ଷା ଫଳ ପ୍ରକାଶ ପାଇଥିବାବେଳେ ଆଜି ଆର୍କିଟେକ୍ଚର(ବି.ଆର୍କ୍, ବି.ପ୍ଲାନ, ଏମ୍.ଆର୍କ୍), ସିଏ ଆଣ୍ଡ୍ ଏସ୍( ଏମ୍ଏସ୍ସି, ଇଣ୍ଟିଗ୍ରେଟେଡ୍ ଏମ୍ଏସ୍ସି, ଏମ୍.ଟେକ୍, ଫାର୍ମାସୀ(ବି.ଫାର୍ମ୍, ଏମ୍.ଫାର୍ମ୍)ର ଫଳ ପ୍ରକାଶ ପାଇଛି। ବି.ଆର୍କ୍ ର ୬ଷ୍ଠ, ୮ମ ଓ ୧୦ମ ସେମିଷ୍ଟର୍ ଫଳ ବାହାରିଥିବାବେଳେ ବି.ପ୍ଲାନର ୮ମ ସେମିଷ୍ଟର୍, ଏମ୍.ଆର୍କ୍(ହେବିଟାଟ୍ ଡିଜାଇନ୍)ର ଷଷ୍ଠ ସେମିଷ୍ଟର୍, ଏମ୍ଏସ୍ସିର ୪ର୍ଥ ସେମିଷ୍ଟର୍, ଇଣ୍ଟିଗ୍ରେଟେଡ୍ ଏମ୍ଏସ୍ସିର ୧୦ମ ସେମିଷ୍ଟର୍, ଏମ୍.ଟେକ୍ର ୪ର୍ଥ ସେମିଷ୍ଟର୍, ବି.ଫାର୍ମ୍ର ୬ ଓ ୮ମ ସେମିଷ୍ଟର୍ ଏବଂ ଏମ୍.ଫାର୍ମ୍ ର ଚତୁର୍ଥ ସେମିଷ୍ଟର୍ ଫଳ ପ୍ରକାଶିତ ହୋଇଛି। ଚଳିତବର୍ଷ ବି.ଫାର୍ମ୍ରେ ୨୮୬୮ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବାବେଳେ ଏମ୍ବିଏରେ ୪୧୭୯. ବି.ଆର୍କ ରେ ରେ ୩୮୬, ଏମ୍.ଫାର୍ମରେ ରେ ୩୬୮, ଏମ୍.ଟେକ୍ରେ ୩୬୯ ଜଣ ପରୀକ୍ଷା ଦେଇଥିଲେ।
