ପାଣି ଟାଙ୍କି ସିଡ଼ି ପାହାଚରୁ ମୃତଦେହ ଉଦ୍ଧାର

ବାଲିଆପାଳ : ବାଲିଆପାଳ ଥାନା ଅନ୍ତର୍ଗତ ସିମୁଳିଆ ରାବଣ ପୋଡ଼ି ପଡ଼ିଆରେ ଥିବା ପାଣି ଟାଙ୍କି ଚଟାଣରୁ ଆରମ୍ଭ ହୋଇଥିବା ସିଡି ପାହାଚରୁ ରବିବାର ସକାଳେ ଜଣେ ଯୁବକର ମୃତଦେହ ଉଦ୍ଧାର କରାଯାଇଛି । ମୃତକ ହେଲେ ଖଗଡ଼ାପାଳ ଗ୍ରାମର ଭାନୁ ଜେନାଙ୍କ ପୁତ୍ର ଅଜୟ (୪୫) ।

ଅଜୟ ଶନିବାର ଦ୍ୱିପ୍ରହରରେ ଭାତ ଖାଇସାରି ଘରେ ବିଶ୍ରାମ ନେଇଥିଲେ । ପ୍ରାୟ ଅପରାହ୍ନ ୪ଟା ସମୟର ଘରୁ ବାହାରି ଆସିଥିଲେ କିନ୍ତୁ ରାତିରେ ଘରକୁ ଫେରିଥିଲେ । ଘର ଲୋକେ ତାଙ୍କୁ ଫୋନ୍ କରିଥିଲେ ହେଲେ ସେ ଫୋନ୍ ଉଠାଇ ନଥିଲେ । ରାବିବାର ସକାଳେ ଲୋକମାନେ ଅଜୟକୁ ପାଣି ଟାଙ୍କି ସିଡ଼ି ପାହାଚରେ ପଡ଼ିଥିବାର ଦେଖି ବାଲିଆପାଳ ଥାନାକୁ ଖବର ଦେବା ସହିତ ପରିବାର ଲୋକଙ୍କୁ ଖବର ଦେଇଥିଲେ । ଖବର ପାଇ ବାଲିଆପାଳ ଥାନା ଏଏସ୍‌ଆଇ ପିଥ ହେମ୍ରମ ଘଟଣାସ୍ଥଳରେ ପହଞ୍ôଚ ମୃତଦେହ ଜବତ କରିବା ସହିତ ଶବ ବ୍ୟବଚ୍ଛେଦ କରିବାକୁ ପଠାଇ ତଦନ୍ତ ଜାରି ରଖିଛି । ଏନେଇ ବାଲିଆପାଳ ଥାନାରେ ମାମଲା (ନଂ. ୧୧/୨୨) ରେ ଏକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ ଜାରି ରହିଥିବାର ସୂଚନା ମିଳିଛି ।