ଜୀବନ୍ତ ବଜ୍ରକାପ୍ତା ଉଦ୍ଧାର
ମାଥିଲି : ମାଥିଲି ସଦର ପେଟ୍ରୋଲ ପମ୍ପ ନିକଟରୁ ଗତ ସୋମବାର ରାତିରେ ବଜ୍ରକାପ୍ତା ଉଦ୍ଧାର କରାଯାଇଛି। ଖାଦ୍ୟ ଅନ୍ବେଷଣରେ ବଜ୍ରକାପ୍ତା ଟି ଗାଁ ଭିତରକୁ ଆସିଥିବା ସଂନ୍ଦେହ କରାଯାଉଛି ।
ସୋମବାର ରାତିରେ କିଛି ଯୁବକ ଥାନା ଆଡକୁ ଯାଉଥିବା ବେଳେ ବଜ୍ରକାପ୍ତାଟିକୁ ଦେଖି ସଙ୍ଗେ ସଙ୍ଗେ ବନବିଭାଗକୁ ଖବର ଦେଇଥିଲେ । ବନବିଭାଗ ପହଞ୍ଚି ବଜ୍ରକାପ୍ତାଟିକୁ ଉଦ୍ଧାର କରି ଗୋବିନ୍ଦପାଲି ସ୍ଥିତ ରେଞ୍ଜ ଅଫିସକୁ ଆଣିଥିଲେ । ତେବେ ବଜ୍ରକାପ୍ତାଟି ସୁସ୍ଥ ଅଛି ଏବଂ ତାକୁ ପ୍ରାଥମିକ ଚିକିତ୍ସା ପରେ ଜଙ୍ଗଲ ରେ ଛଡାଯିବ ବୋଲି ଜଣାଯାଇଛି ।
