ମୋରବୀ ପୋଲ ଦୁର୍ଘଟଣାକୁ ନେଇ ଶୋକବ୍ୟକ୍ତ କଲେ ରାଷ୍ଟ୍ରପତି ସି ଜିନପିଙ୍ଗ
ନୂଆଦିଲ୍ଲୀ: ଚୀନ ରାଷ୍ଟ୍ରପତି ସି ଜିନପିଙ୍ଗ ମୋରବୀ ପୋଲ ଦୁର୍ଘଟଣାକୁ ନେଇ ଶୋକବ୍ୟକ୍ତ କରିଛନ୍ତି । ଜିନପିଙ୍ଗ ଭାରତର ରାଷ୍ଟ୍ରପତି ଦୌପ୍ରଦୀ ମୁର୍ମୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଶୋକବାର୍ତ୍ତା ପଠାଇଛନ୍ତି । ଜିନପିଙ୍ଗ ଲେଖିଛନ୍ତି, ଏହି ଖବର ଶୁଣି ମୁଁ ସ୍ତବ୍ଧ ଅଛି । ଚୀନ ସରକାର ଓ ଜନତାଙ୍କ ପକ୍ଷରୁ ମୃତକଙ୍କ ପରିବାର ଏବଂ ଆହତଙ୍କ ପ୍ରତି ଗଭୀର ସମବେଦନା ପ୍ରକଟ କରୁଛି ।
ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ବ୍ୟତୀତ ପ୍ରଧାନମନ୍ତ୍ରୀ ଲୀ କ୍ୱିଙ୍ଗ ମଧ୍ୟ ମୋଦୀଙ୍କୁ ଶୋକବାର୍ତ୍ତା ପଠାଇଛନ୍ତି । ଚୀନର ବୈଦେଶିକ ମନ୍ତ୍ରୀ ବାଙ୍ଗ ୟୀ ନିଜ ସମକକ୍ଷ ଏସ୍. ଜୟଶଙ୍କରଙ୍କୁ ଶୋକବାର୍ତ୍ତା ପଠାଇଥିବା ଜଣାପଡ଼ିଛି ।
