କେନ୍ଦୁଝର କଂଗ୍ରେସ ପକ୍ଷରୁ ତୁଳସୀ ଯାତ୍ରା ପାଇଁ ପ୍ରସ୍ତୁତି
କେନ୍ଦୁଝର : ରାଜ୍ୟ କଂଗ୍ରେସ ଭବନରୁ ପୁରୀ ଶ୍ରୀକ୍ଷେତ୍ରକୁ ମହାପ୍ରଭୁ ଶ୍ରୀ ଜଗନ୍ନାଥଙ୍କ ପାଇଁ ସାରା ରାଜ୍ୟର ପ୍ରତି ଗ୍ରାମରୁ ତୁଳସୀ ସଂଗ୍ରହ କରାଯିବ l ଶ୍ରୀମନ୍ଦିରରେ ଦେଖା ଦେଈଥିବା ଅବ୍ୟବସ୍ଥାକୁ ତୁରନ୍ତ ଦୂର କରିବା ପାଇଁ ପଦକ୍ଷେପ ନେବାକୁ କେନ୍ଦୁଝର ଜିଲା କଂଗ୍ରେସ ପକ୍ଷରୁ ଦାବୀ ହୋଇଛି l
ଆଜି ସ୍ଥାନୀୟ କଂଗ୍ରେସ ଭବନ ଠାରେ କେନ୍ଦୁଝର ଜିଲା କଂଗ୍ରେସ ସଭାପତି ମୋହନ ଚରଣ ପରିଡାଙ୍କ ସଭାପତିତ୍ବରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ରାଜ୍ୟ ସରକାରଙ୍କ ଅପାରଗତା, ଦୁର୍ନୀତି, ଅନ୍ୟାୟ,କୋଟି କୋଟି ଓଡ଼ିଆଙ୍କ ମଉଡମଣୀ ତଥା ବିଶ୍ୱ ଦେବତା ମହାପ୍ରଭୁ ଶ୍ରୀ ଜଗନ୍ନାଥଙ୍କ ଶ୍ରୀମନ୍ଦିର ରତ୍ନଭଣ୍ଡାର ଖୋଲିବା, ଭକ୍ତଙ୍କ ସୁଗମ ଦର୍ଶନ ପାଇଁ ଚାରି ଦ୍ୱାର ଖୋଲିବା, ରତ୍ନଭଣ୍ଡାର ଘରେ ଥିବା ସମସ୍ତ ସମ୍ପତିର ହିସାବ ସହିତ ବେଦାନ୍ତ କମ୍ପାନୀକୁ ଦେଇଥିବା ମୂଲ୍ୟବାନ ଜମିକୁ ଫେରସ୍ତ ଦାବୀରେ ଏହି ସାମ୍ବାଦିକ ସମ୍ମିଳନୀ ପ୍ରକାଶ କରିଥିଲେ l ଏଥିରେ ପିସିସି ସାଧାରଣ ସମ୍ପାଦକ ଆଲୋକ ମିଶ୍ର, ପିସିସି ସମ୍ପାଦକ ସଂଗ୍ରାମ ଦାସ, ରାଜ୍ୟ ମହିଳା କଂଗ୍ରେସ ଉପସଭାନେତ୍ରୀ ସଂଗୀତା ସିଂହ, ଜିଲା ଛାତ୍ର କଂଗ୍ରେସ ସଭାପତି ଶୁଭମ ରାଜ, ଜିଲା ମହିଳା କଂଗ୍ରେସ ସଭାନେତ୍ରୀ ପ୍ରବୀଣା ଦଣ୍ଡପାଟ, କଂଗ୍ରେସ ନେତା ବିଭୀଷଣ ନାୟକ ଓ ଉତ୍ତମ ସାହୁ ପ୍ରମୁଖ ଉପସ୍ଥିତ ଥିଲେ l
