ବଡ଼ ପରଦାରେ ଆସିବ ୯୦ ଦଶକର ଲୋକପ୍ରିୟ ଧାରାବାହିକ ‘ଶକ୍ତିମାନ’
ମୁମ୍ବାଇ: ୯୦ ଦଶକରେ ଟେଲିଭିଜନରେ ଲୋକପ୍ରିୟ ହୋଇପାରିଥିବା ଧାରାବାହିକ ‘ଶକ୍ତିମାନ’କୁ ଏବେ ବଡ଼ ପରଦାରେ ଦେଖିବେ ଦର୍ଶକ । କୁହାଯାଉଛିଯେ, ଏହି ଚଳଚ୍ଚିତ୍ରକୁ ୩ଟି ଭାଗରେ ନିର୍ମାଣ କରାଯିବ । ଆକ୍ସନ, ଥ୍ରୀଲର ଓ ସସପେନ୍ସ ଥିବା ଫିଲ୍ମରେ ଜଣେ ବଲିଉଡର ସୁପରଷ୍ଟାର ନଜର ଆସିବେ କୁହାଯାଉଛି । ଯଦିଓ ଏହି ଚଳଚ୍ଚିତ୍ର ବିଷୟରେ ଦୀର୍ଘ ସମୟ ଧରି ଆଲୋଚନା ହୋଇଥିଲା । ଏଭଳି ପରିସ୍ଥିତିରେ ଲୋକପ୍ରୀୟ ଧାରାବାହିକ ‘ଶକ୍ତିମାନ୍’ ଦର୍ଶକଙ୍କ ପାଖକୁ ଫେରିବାକୁ ଯାଉଛି । ଏବଂ ଏହାର ପ୍ରଥମ ଝଲକ ମଧ୍ୟ ସାମ୍ନାକୁ ଆସିଛି । ଶକ୍ତିମାନ ଉପରେ ଫିଲ୍ମ ନିର୍ମାଣ କରାଯିବ ବୋଲି ସୋନି ପିକଚର୍ସ ଇଣ୍ଟରନ୍ୟାସନାଲ ପ୍ରଡକ୍ସନ ପକ୍ଷରୁ ଘୋଷଣା କରାଯାଇଛି ।
୧୯୯୭ ରୁ ୨୦୦୦ ପର୍ୟ୍ୟନ୍ତ ଲୋକପ୍ରିୟ ଟିଭି ଶୋ’ ଶକ୍ତିମାନକୁ କିଏ ବା ଭୁଲିପାରେ । ଶକ୍ତିମାନ ଚରିତ୍ରରେ ନଜର ଆସିଥିବା ଅଭିନେତା ମୁକେଶ ଖନ୍ନାଙ୍କୁ କେହି କେହି ଆଜି ବି ଶକ୍ତିମାନ ବୋଲି ଡାକନ୍ତି । ଇତିମଧ୍ୟରେ ଦର୍ଶକଙ୍କ ପାଇଁ ଏବେ ଏକ ଖୁସିଖବର ଆସିଛି ।
