ଜନ୍ମଦିନରେ ପ୍ରଧାନମନ୍ତ୍ରୀଙ୍କ ବିଶେଷ କାର୍ଯ୍ୟକ୍ରମ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତାକାଲି ୭୨ ବର୍ଷ ବୟସରେ ପଦାର୍ପଣ କରିବେ । ଜନ୍ମଦିନ ଅବସରରେ ମୋଦୀ ୪ଟି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ବକ୍ତବ୍ୟ ଦେବେ । ଏଥିରେ ବନ୍ୟଜୀବ ଓ ପରିବେଶ, ମହିଳା ସଶକ୍ତିକରଣ, କୌଶଳ ଏବଂ ଯୁବ ବିକାଶ ଓ ଆଗାମୀ ପୀଢ଼ୀର ଇମ୍ଫ୍ରା ଭଳି ପ୍ରସଙ୍ଗ ସାମିଲ ରହିଛି ।
ମୋଦୀ ସର୍ବପ୍ରଥମେ ଭାରତକୁ ଚିତା ବାଘ ଆସିବାର ଐତିହାସିକ ଅବସରକୁ ନେଇ ଦେଶବାସୀଙ୍କୁ ସମ୍ବୋଧନ କରିବେ । ସେହିପରି ମଧ୍ୟପ୍ରଦେଶରେ ମହିଳା ସ୍ୱୟଂସହାୟିକା ଗ୍ରୁପର ସମ୍ମିଳନୀରେ କହିବେ । ପରେ ବିଶ୍ୱକର୍ମା ପୂଜା ଅବସରରେ ଆଇଟିଆଇ ଛାତ୍ରଙ୍କ ପ୍ରଥମ ଦିକ୍ଷାନ୍ତ ସମାରୋହରେ ଛାତ୍ରଛାତ୍ରୀଙ୍କୁ ସମ୍ବୋଧନ କରିବେ । ଏହି କାର୍ଯ୍ୟକ୍ରମରେ ପାଖାପାଖି ୪୦ ଛାତ୍ରଛାତ୍ରୀ ସାମିଲ ହେବେ । ସଂଧ୍ୟାରେ ଗୁରୁତ୍ୱପୂର୍ଣ୍ଣ ରାଷ୍ଟ୍ରୀୟ ରସଦ ନୀତିର ଶୁଭାରମ୍ଭ କରିବେ ଏବଂ ବକ୍ତବ୍ୟ ରଖିବେ ବୋଲି ଜଣାପଡ଼ିଛି ।
