ନାଗାଲାଣ୍ଡରେ ପ୍ରଧାନମନ୍ତ୍ରୀଙ୍କ ରୋଡ୍ ଶୋ, ଭୋଟରଙ୍କୁ ସମ୍ବୋଧିତ
ନୂଆଦିଲ୍ଲୀ : ଫୋକସରେ ନାଗାଲାଣ୍ଡ ବିଧାନସଭା ନିର୍ବାଚନ । ଜୋର ଧରିଛି ନିର୍ବାଚନୀ ପ୍ରଚାର । ଫେବ୍ରୁଆରୀ ୨୭ରେ ନିର୍ବାଚନ ଥିବା ବେଳେ ଶନିବାର ନାଗାଲାଣ୍ଡ ଗସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରୋଡ୍ ଶୋ କରିବା ସହ ନିର୍ବାଚନୀ ସଭାରେ ମଧ୍ୟ ଭୋଟରଙ୍କୁ ସମ୍ବୋଧିତ କରିଛନ୍ତି ମୋଦି । ପ୍ରଚାରର ମଙ୍ଗ ଧରିବା ସହ ବିକାଶ ନେଇ ଦେଇଛନ୍ତି ପ୍ରତିଶ୍ରୁତି ।
ନିର୍ବାଚନୀ ସଭାକୁ ସମ୍ବେୋଧିତ କରି ବିଜେପି-ଏନଡିପିପି ସରକାର ଲୋକଙ୍କ ସମ୍ପୂର୍ଣ୍ଣ ସମର୍ଥନ ପାଇଥିବା କହିଛନ୍ତି ମୋଦି । ନାଗାଲାଣ୍ଡର ସାଂସ୍କୃତିକ ବିବିଧତା ମୋତେ ସବୁବେଳେ ପ୍ରଭାବିତ କରିଛି । ବିଜେପି-ଏନଡିପିପି ସରକାର ଉତ୍ତର ପୂର୍ବ ଭାରତର ଦ୍ରୁତ ବିକାଶ ପାଇଁ ସଂକଳ୍ପ ନେଇ ଦିନରାତି କାର୍ଯ୍ୟ କରୁଥିବା କହିଛନ୍ତି ପ୍ରଧାନମନ୍ତ୍ରୀ । ସେପଟେ ପ୍ରଧାନମନ୍ତ୍ରୀଙ୍କ ନାଗାଲାଣ୍ଡ ଗସ୍ତ ବେଳେ ଯୁବପିଢ଼ିଙ୍କ ମଧ୍ୟରେ ଦେଖା ଦେଇଥିଲା ମୋଦି କ୍ରେଜ୍ । ମୋଦିଙ୍କ ରୋଡ୍ ଶୋ ସେଠାକାର ଯୁବପିଢ଼ିଙ୍କୁ ବେଶ୍ କ୍ରେଜି କରିଥିଲା । ମୋଦି ହିଁ ଦେଶ ପାଇଁ ଉପଯୁକ୍ତ ନେତା ଏବଂ ନାଗାଲାଣ୍ଡରେ ବିଜେପି ଶାସନ କ୍ଷମତାକୁ ଆସିବା ଉଚିତ୍ ବୋଲି ମତ ଦେଇଛନ୍ତି ନାଗାଲାଣ୍ଡର ଯୁବପିଢ଼ି ।
