ବାଲେଶ୍ୱର : ଗୋରୁ ବୋଝେଇ ପିକ୍ଅପ୍ ଜବତ, ଡ୍ରାଇଭର ଫେରାର
ବାଲେଶ୍ୱର : ବାଲେଶ୍ୱର ଜିଲା ସିମୁଳିଆ ପୋଲିସ ପକ୍ଷରୁ ପେଟ୍ରୋଲିଂ ସମୟରେ ଏକ ଗୋରୁ ବୋଝେଇ ପିକ୍ଅପ୍ ଜବତ ହୋଇଛି । ମାତ୍ର ଘଟଣାସ୍ଥଳରୁ ଡ୍ରାଇଭର ଜଣକ ଫେରାର ହୋଇଯାଇଥିବାର ଜଣାପଡ଼ିଛି ।
ସୂଚନା ଯେ, ୧୬ନଂ. ଜାତୀୟ ରାଜପଥ ଦେଇ ପ୍ରତିଦିନ ଶହ ଶହ ଗୋରୁ ଗାଡ଼ି ଚାଲାଣ ହେଉଥିବାରୁ ଜିଲା ଆରକ୍ଷୀ ଅଧିକ୍ଷକ ନିର୍ଦ୍ଦେଶକ୍ରମେ ସିମୁଳିଆ ଥାନା ଅନ୍ତର୍ଗତ ମଇତାପୁର ଛକ ନିକଟରେ ଏକ ତନଖି ଫାଟକ କରାଯାଇ ପ୍ରତ୍ୟେହ ଗାଡ଼ି ଯାଞ୍ଚ କରାଯାଉଛି । ଫଳରେ ଚୋରା ବେପାରୀ ସେମାନଙ୍କ ଗତିପଥ ବଦଳାଇ ରାଣିତାଲ ଦେଇ ବରି ରାସ୍ତା ମାର୍କୋଣା ଓ ଜାମ୍ମୁଝାଡ଼ି ମୁଖ୍ୟରାସ୍ତା ଉପରକୁ ଆସି ପଶ୍ଚିମବଙ୍ଗ ଯାଉଥିବାର ଜଣାଯାଉଛି । ସିମୁଳିଆ ଥାନା ପକ୍ଷରୁ ଭୋର୍ ସମୟରେ ପେଟ୍ରୋଲିଂ ବେଳେ ମାର୍କୋଣା ବସ୍ଷ୍ଟାଣ୍ଡ ନିକଟରେ ଏକ ଗୋରୁ ବୋଝେଇ ପିକ୍ଅପ୍ ଭ୍ୟାନ୍ ଉପରେ ଚଢାଉ କରିଥିଲେ । ଘଟଣାସ୍ଥଳରୁ ଡ୍ରାଇଭର ଫେରାର ହୋଇଯାଇଥିବାବେଳେ ସେଥିରେ ଥିବା ୧୩ଟି ଗୋରୁ ଉଦ୍ଧାର କରିବା ସହ ପିକ୍ଅପ୍ ଭ୍ୟାନ୍କୁ ଜବତ କରିଥିଲେ । ଉଦ୍ଧାର ଗୋରୁଙ୍କୁ ମଇତାପୁର ସ୍ଥିତ ରୁଦ୍ରାଶ୍ରମ ଗୋଶାଳାରେ ଛଡ଼ାଯାଇଛି । ପିକଅପ୍ରେ ଥିବା ୧୩ଟି ଗୋରୁ ମଧ୍ୟରୁ ଗୋଟିଏ ଗୋରୁର ମୃତ୍ୟୁ ହୋଇଥିବାର ଗୋଶାଳାର ସେବାୟତ ରାମଚନ୍ଦ୍ର ରାମାନୁଜ ନାୟକ ପ୍ରକାଶ କରିଛନ୍ତି ।
