ଖରଗୋନରେ ପେଟ୍ରୋଲ-ଡିଜେଲ୍ ଭର୍ତି ଟ୍ୟାଙ୍କର ଓଲଟି ବିସ୍ଫୋରଣ : ଯୁବତୀ ଜୀବନ୍ତ ଦଗ୍ଧ, ୨୨ ଜଣ ଆହତ
ମୁଖ୍ୟମନ୍ତ୍ରୀ ଦୁର୍ଘଟଣା ପାଇଁ କଲେ ଦୁଃଖ ପ୍ରକାଶ
ଖରଗୋନ : ଖରଗୋନ ଜିଲାର ବିସ୍ଟାନ ଥାନା ଅନ୍ତର୍ଗତ ଗ୍ରାମ ଅଂଜନଗାଁ ପାଖରେ ବୁଧବାର ସକାଳେ ପେଟ୍ରୋଲ-ଡିଜେଲରେ ଭର୍ତି ଏକ ଟ୍ୟାଙ୍କର ଅନିୟନ୍ତ୍ରିତ ହୋଇ ଓଲଟିଥିଲା । ଦୁର୍ଘଟଣା ପରେ ଘଟଣାସ୍ଥଳରେ ଗ୍ରାମବାସୀଙ୍କ ଭୀଡ଼ ଜମିଥିଲା । ଏହି ସମୟରେ ହଠାତ୍ ଜୋର୍ ବିସ୍ଫୋରଣ ସହ ଟ୍ୟାଙ୍କରଟି ଫାଟି ଯାଇଥିଲା ଏବଂ ସେଥିରେ ନିଆଁ ଲାଗିଯାଇଥିଲା । ବିସ୍ଫୋରଣ ଏପରି ଥିଲା ଯେ ଭୀଡ଼ ମଧ୍ୟରେ ସାମିଲ ଏକ ୧୯ ବର୍ଷୀୟ ଯୁବତୀ ଜୀବନ୍ତ ଦଗ୍ଧ ହୋଇଯାଇଥିଲା । ଏହାସହ ସେଠାରେ ଉପସ୍ଥିତ ୨୨ରୁ ଅଧିକ ଲୋକ ଆହତ ହୋଇଯାଇଥିଲେ । ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ।
