ସଟ୍ଡାଉନ୍ରେ ଚାଲିଥିଲେ ଜୁଆ ଖେଳ, ପେଣ୍ଟାଗନ୍ ହୋଟେଲ୍ ସିଲ୍
ଭୁବନେଶ୍ୱର : ଜୁଆ କାରବାର ଧରାପଡ଼ିବା ପରେ ସିଲ୍ ହେଲା ପେଣ୍ଟାଗନ୍ ହୋଟେଲ୍ । ସଟ୍ ଡାଉନରେ ହୋଟେଲରେ ହାଇ ପ୍ରୋଫାଇଲ ଜୁଆ ଖେଳ ବେଳେ ସିଲ କଲା ବିଏମ୍ସି ସ୍କ୍ବାର୍ଡ଼ । ଏହି ମାମଲାରେ ୧୦ ଜୁଆଡ଼ି ଓ ୩ ଯୁବତୀ ଗିରଫ ସହ ୨.୩୫ ଲକ୍ଷ ଟଙ୍କା ଜବତ ହୋଇଛି । ଗିରଫ ଅଭିଯୁକ୍ତଙ୍କ ମଧ୍ୟରେ ବିଲ୍ଡର, ମଦ ବ୍ୟବସାୟୀ ଓ ପ୍ରତିଷ୍ଠିତ ବ୍ୟକ୍ତି ରହିଛନ୍ତି ।
ସୂଚନା ଯେ, ଉକ୍ତ ହୋଟେଲରେ ବେଧଡ଼କ ଜୁଆ ଖେଳା ଯାଉଥିବା ନେଇ ହଠାତ୍ ପୋଲିସକୁ ଖବର ମିଳିଥିଲା । ଏହି ଆଧାରରେ ଶନିବାର ରାତିରେ ଏହି ହୋଟୋଲ୍ ଉପରେ ଚଢାଉ ହୋଇଥିଲା। ସେଠାରେ କୋଭିଡ କଟକଣା ଭାଙ୍ଗି ହୋଟେଲ ରୁମରେ ଚାଲିଥିଲା ହାଇ ପ୍ରୋଫାଇଲ ଜୁଆ ଖେଳ । ରାତି ୮ ଟା ସମୟରେ ୧୦ ଜଣ ଜୁଆଡି ଓ ୩ ଯୁବତୀକୁ ଗିରଫ କରିଥିଲା ଲକ୍ଷ୍ମୀସାଗର ଥାନା ପୋଲିସ । ଗିରଫ ମଧ୍ୟରେ ଅଛନ୍ତି ବିଲଡର , ମଦ ବ୍ୟବସାୟୀ , ପ୍ରତିଷ୍ଠିତ ବ୍ୟକ୍ତି । ସମସ୍ତ ଜୁଆ ଖେଳୁଥିବା ଅଭିଯୋଗରେ ଗିରଫ କରାଯାଇଛି । ସେଠାରୁ ୨ ଲକ୍ଷ ୫୩ ହଜାର ଟଙ୍କା ନଗଦ ଟଙ୍କା ସହ ଜୁଆରେ ବ୍ୟବହୃତ ସାମଗ୍ରୀ ଜବତ କରିଥିଲା ପୋଲିସ ।
