ପାରାଦୀପ ପ୍ରେସ ମିଡ଼ିଆ ର ବାର୍ଷିକ ଉତ୍ସବ ଅନୁଷ୍ଠିତ

ପାରାଦୀପ : ଆଜି ନୁଆବଜାର ସ୍ଥିତ ଓଜେୟୁ କାର‌୍ୟ୍ୟାଳୟ ପରିସରରେ ପାରାଦୀପ ପ୍ରେସ ମିଡ଼ିଆର ୮ମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ପାରାଦୀପ ଗଲଫ୍ ପଡିଆ ଠାରେ ସମୂହ ବୃକ୍ଷ ରୋପଣ କରାଯିବାସହ ମେଡିକାଲ ରେ ରୋଗୀ ମାନଙ୍କୁ ଫଳ ବଣ୍ଟନ କରାଯାଇଥିଲା । ସକାଳ ଏଗାର ଘଟିକା ସମୟରେ ଓଜେୟୁ କାର‌୍ୟ୍ୟାଳୟ ପରିସରରେ ସଂଘ ର ଉପଦେଷ୍ଟା ଚିତରଞ୍ଜନ ସ୍ୱାଇଁ ଙ୍କ ଅଧ୍ୟକ୍ଷତାରେ ବାର୍ଷିକ ଉତ୍ସବ ଓ ସମ୍ବର୍ଦ୍ଧନା ସଭା ହୋଇଥିଲା । ଏଥିରେ ସରସ୍ଵତୀ ଶିଶୁ ମନ୍ଦିର ଛାତ୍ର ଛାତ୍ରୀ ମାନଙ୍କ ଦ୍ଵାରା ପ୍ରାରମ୍ଭିକ ସଙ୍ଗୀତ ପରିବେଷଣ କରାଯାଇଥିଲା । ବରିଷ୍ଠ ସାମ୍ବାଦିକ କର୍ମେଶ୍ବର ସ୍ୱାଇଁ ସ୍ୱାଗତ ଭାଷଣ ଦେବାପରେ ସଂଘର ବାର୍ଷିକ ବିବରଣୀ ପାଠ ଏବଂ ସଂଘର ମୁଖପାତ୍ର \”ମୁକ୍ତପୃଷ୍ଠା\” ଉନ୍ମୋଚନ ହୋଇଥିଲା । ଏହାପରେ ପରିବେଶବିତ୍ ଅମରେଶ ନରେଶ ସାମନ୍ତ , ସମାଜସେବୀ ପଙ୍କଜ କୁମାର ତରାଇ ଓ ପୌରାଧକ୍ଷ ବସନ୍ତ ବିଶ୍ଵାଳ ଙ୍କୁ ଉପଢ଼ୌକନ ଓ ମାନପତ୍ର ଦିଆଯାଇ ସମ୍ବର୍ଦ୍ଧିତ କରାଯାଇଥିଲା। ଏହି ଉତ୍ସବରେ ପୌରାଧକ୍ଷ ବସନ୍ତ ବିଶ୍ଵାଳ ମୁଖ୍ୟ ଅତିଥି, ଅଧ୍ୟାପକ ପ୍ରଦୀପ ଶତପଥୀ ମୁଖ୍ୟ ବକ୍ତା, ବରିଷ୍ଟ ସାମ୍ବାଦିକ ପୀତବାସ ମିଶ୍ର, ବରିଷ୍ଟ ସାମ୍ବାଦିକ ଭାଗବତ ତ୍ରିପାଠୀ ଓ ଅନ୍ୟତମ ବରିଷ୍ଟ ସାମ୍ବାଦିକ ବାବା ଲଲାଟେନ୍ଦୁ କେଶରୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହାସହ ବରିଷ୍ଟ ସାମ୍ବାଦିକ ଅଜିତ ଦାସ ଧନ୍ୟବାଦ୍ ଅର୍ପଣ କରିଥିଲେ ଜ୍ଝ ଅନ୍ୟ ମାନଙ୍କ ମଧ୍ୟରେ ସଂଘର୍ ସଭାପତୀ ବସନ୍ତ କୁମାର ସାହୁ, କାର‌୍ୟ୍ୟକାରୀ ସଭାପତି ମହେନ୍ଦ୍ର ପରିଡ଼ା, ସାଧାରଣ ସମ୍ପାଦକ ବଟକୃଶ୍ନ ଦାସ, କୋଷାଧ୍ୟକ୍ଷ ସୁରେନ୍ଦ୍ର କୁମାର ବିଶ୍ଵାଳ, ବରିଷ୍ଠ ସାମ୍ବାଦିକ ସୁକଦେବ ଜେନା, ସମ୍ବିତ ଲେଙ୍କା, ଶରତ ରାଉତ, ସୁଶୀଲ ପଟନାୟକ, ନିରଞ୍ଜନ ଆଚାର‌୍ୟ୍ୟ, ଜଗବନ୍ଧୁ ସ୍ୱାଇଁ, ରାକେଶ ପଟ୍ଟନାୟକ, ରଶ୍ମି ରଞ୍ଜନ ରାଉତ, ପ୍ରଶାନ୍ତ ସ୍ବାଇଁ, ପାରାଦୀପ ହକର ସଂଘର ସମସ୍ତ ସଦସ୍ୟ ବହୁ ବୁଦ୍ଧି ଓ ବିଶିଷ୍ଟ ବ୍ୟକ୍ତି ବିଶେଷ ଉପସ୍ଥିତ ଥିଲେ ।