ଭାରତୀୟ ସୀମାରେ ଧରାପଡିଲା ପାକିସ୍ତାନୀ ବୋଟ, ୯ ଗିରଫ
ନୂଆଦିଲ୍ଲୀ : ଭାରତୀୟ ସୀମାରେ ଧରାପଡିଲା ପାକିସ୍ତାନୀ ବୋଟ ଅଲ୍ ହଜ୍ । ୯କ୍ର୍ୟୁ ସଦସ୍ୟ ଗିରଫ । ଗୁଜରାଟ ଏଟିଏସ୍ ଏବଂ ଇଣ୍ଡିଆ କୋଷ୍ଟଗାର୍ଡର ମିଳିତ ଅପରେସନ୍ରେ ୯ ଜଣ କ୍ର୍ୟୁ ସଦସ୍ୟଙ୍କ ସହ ପାକିସ୍ତାନୀ ବୋଟ୍କୁ ଜବତ କରିଛି । ଆରବ ସାଗରର ଭାରତୀୟ ସୀମାରେ ପ୍ରାୟ ୨୮୦କୋଟି ଟଙ୍କାର ହେରୋଇନ୍ ନେଇ ଯାଉଥିବା ପାକିସ୍ତାନୀ ବୋଟ୍ ‘ଅଲ ହଜ୍’ ଧରାପଡିଛି । ଏ ନେଇ ଅଧିକ ଛାନଭିନ୍ ପାଇଁ ପାକିସ୍ତାନୀ ବୋଟ୍କୁ ଜଖାଉକୁ ନିଆଯାଇଛି ।
ଭାରତୀୟ କୋଷ୍ଟଗାର୍ଡ ଅଧିକାରୀ କହିଛନ୍ତି ଯେ, ପାକିସ୍ତାନୀ ବୋଟ୍ ‘ଅଲ ହଜ୍’ରେ ୯ ଜଣ କ୍ରୁ ସଦସ୍ୟ ରହିଥିଲେ । ବୋଟ୍ଟି ରବିବାର ରାତିରେ ଭାରତୀୟ ଜଳ ସୀମା ଭିତରକୁ ପ୍ରବେଶ କରିଥିଲା । ଗୁଇନ୍ଦା ସୂଚନା ମିଳିବା ପରେ ଗୁଜରାଟର ଏଟିଏସ୍ ଏବଂ ଭାରତୀୟ କୋଷ୍ଟଗାର୍ଡ ଟିମ୍ ଘଟଣାସ୍ଥଳରେ ପହଞ୍ଚିଥିଲେ । ସେମାନଙ୍କୁ ଦେଖି ପାକିସ୍ତାନୀ ବୋଟ୍ରେ ଥିବା କ୍ରୁ ସଦସ୍ୟମାନେ ହେରୋଇନ୍ ପ୍ୟାକେଟକୁ ପାଣି ଭିତରକୁ ଫିଙ୍ଗି ସେଠାରୁ ଖସିଯିବାକୁ ଚେଷ୍ଟା କରିଥିଲେ । କିନ୍ତୁ ସେମାନେ ସଫଳ ହୋଇପାରିନଥିଲେ ।
