ବିଶ୍ୱ କପ୍ ପାଇଁ ଟିମ୍ ଘୋଷଣା କଲା ପାକିସ୍ତାନ, ବାବର ଅଧିନାୟକ
ଲାହୋର : ଆଇସିସି ବିଶ୍ୱକପ୍ ପାଇଁ ଦଳ ଘୋଷଣା କଲା ପାକିସ୍ତାନ । ବାବର ଆଜମ ଦଳର ଅଧିନାୟକ ରହିଛନ୍ତି । ପାକିସ୍ତାନ କ୍ରିକେଟ୍ ବୋର୍ଡ଼ ମୁଖ୍ୟ ଇଞ୍ଜାମାମ ଉଲ୍ ହକ୍ ଆଜି ଖେଳାଳି ତାଲିକା ଘୋଷଣା କରିଛନ୍ତି ।
ପାକିସ୍ତାନ ତାର ଅଭ୍ୟାସ ମ୍ୟାଚ୍ ସେପଟେମ୍ବର ୨୯ ତାରିଖରେ ଖେଳିବ । ଅକଟୋବର ୫ ତାରିଖରୁ ଭାରତରେ ବିଶ୍ୱ କପ୍ ଆରମ୍ଭ ହେଉଛି । ଏହି ଟୁର୍ଣ୍ଣାମେଣ୍ଟ ନାଭମ୍ବର ୧୯ ତାରିଖରେ ଶେଷ ହେବ । ସୂଚନା ଯେ, ମୋଟ ୧୦ଟି ଦଳ ଭାରତରେ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରେ ଭାଗ ନେବେ । ଏପର୍ଯ୍ୟନ୍ତ ୮ଟି ଟିମ୍ ଖେଳାଳି ଚୂଡ଼ାନ୍ତ ୧୫ ଜଣିଆ ତାଲିକା ଘୋଷଣା କରି ସାରିଥିବା ବେଳେ କେବଳ ବାଂଲାଦେଶ ଏବଂ ଶ୍ରୀଲଙ୍କା ଦଳ ଘୋଷଣା କରିବା ବାକି ଅଛି ।
ପାକିସ୍ତାନ ଦଳ : ବାବର ଆଜମ (ଅଧିନାୟକ), ସଦାବ ଖାନ୍ (ଉପଅଧିନାୟକ), ଅବଦୁଲ୍ଲା ସଫିକ, ଫକର ଜମନ, ହରିଶ ରଉଫ, ହାସନ ଅଲୀ, ଇଫତିକାର ଅହମଦ, ଇମାମ ଉଲ୍ ହକ, ମହମ୍ମଦ ନଓ୍ଵାଜ, ମହମ୍ମଦ ରିଜଓ୍ଵନ, ମହମ୍ମଦ ଓ୍ଵାସିମ ଜୁନିୟର, ସଲମନ ଆଘା, ସଉଦ ସକିଲ, ସାହିନ ଶାହ ଆଫ୍ରିଦି, ଉସମାନ ମୀର । ଅତିରିକ୍ତ ଖେଳାଳି-ମହମ୍ମଦ ହାରିସ୍, ଇବ୍ରାର ଅହମଦ, ଜମନ ଖାନ୍ ।
