ପରିତ୍ୟକ୍ତ କୂଅରେ ବଳଦ, ଉଦ୍ଧାର କଲା ଦମକଳ ବାହିନୀ
କେନ୍ଦୁଝର : କେନ୍ଦୁଝର ସହରର ବଡ଼ହଳର ବାସିନ୍ଦା ଶ୍ରୀକାନ୍ତ ମୁଣ୍ଡାଙ୍କ ଘର ବାଡ଼ିରେ ଥିବା ଏକ ଶୁଖିଲା ତଥା ପରିତ୍ୟକ୍ତ କୂଅରେ ତାଙ୍କରି ଘରର ବଳଦ ହଠାତ ଖସିଯାଇଥିଲା । ସେ ତୁରନ୍ତ ରାଜମିସ୍ତ୍ରୀ ଶ୍ରମିକ ସଂଘର କର୍ମକର୍ତ୍ତାଙ୍କୁ ଖବରକରିଥିଲେ । ଏନେଇ ସଂଘର ସହ-ସମ୍ପାଦକ ତୀର୍ଥବାସୀ ପାତ୍ର ତଥା କର୍ମକର୍ତ୍ତା ପହଂଚି ବଳଦଟିକୁ ଉଦ୍ଧାର କରିବାକୁ ଚେଷ୍ଟା କରିଥିଲେ ହେଁ ସଫଳ ହୋଇନଥିଲେ ।
ପରେ ଦମକଳ ବାହିନୀକୁ ଖବର କରିଥିଲେ । ଦମକଳ ବାହିନୀର ହାବିଲଦାର ନବୀନ କୁମାର ସେଠୀ ଏବଂ ଦୀପକ ଛତ୍ରୀଆ, ମନୋଜ କୁମାର ସେଠୀ, ଉମେଶ ରାଉତରାୟ, ସିପୁ ସାହୁ, ଡ୍ରାଇଭର ଗିରିସ କଡା ଉପସ୍ଥିତ ରହି ଉଦ୍ଧାର କରିଥିଲେ । ଉଦ୍ଧାର କାର୍ଯ୍ୟରେ ବଡହଳ ଭୂତେଶ୍ୱର କ୍ଲବର କର୍ମକର୍ତ୍ତା ମାନେ ମଧ୍ୟ ସହଯୋଗ କରିଥିଲେ ।
