ୱିମ୍ବଲଡନ୍ ଓପନ୍ରୁ ଓହରିଲେ ଓସାକା
ଲସ୍ ଏଞ୍ଜେଲ୍ସ : ସାମ୍ବାଦିକ ସମ୍ମିଳନୀ ବିବାଦ ଯୋଗୁଁ ଫ୍ରେଚଓପନ୍ ଦ୍ୱିତୀୟ ରାଉଣ୍ଡରୁ ଓହରି ଯାଇଥିବା ଜାପାନ ମହିଳା ଟେନିସ ତାରକା ନାଓମି ଓସାକାଙ୍କୁ ମଧ୍ୟ ୱିମ୍ବଲଡନରେ ଦଖିବାକୁ ମିଳିବନି । ଚଳିତ ମାସ ୨୮ ତାରିଖରୁ ଆରମ୍ଭ ହେବାକୁ ଥିବା ୱିମ୍ବଲଡନ୍ ଓପନ୍ରୁ ୨୩ ବର୍ଷୀୟ ଓସାକା ଓହରି ଯିବାକୁ ନିଷ୍ପତି ନେଇଛନ୍ତି ବୋଲି ତାଙ୍କ ଏଜେଟ ପକ୍ଷରୁ ସୂଚନା ଦିଆଯାଇଛି ।
ଚଳିତ ବର୍ଷ ନାଓମି ୱିମ୍ବଲଡନ୍ରେ ଖେଳିବେନି, ତାଙ୍କ ପରିବାର ଓ ସାଙ୍ଗସାଥୀଙ୍କୁ ସମୟ ଦେବା ଲାଗି ସେ ଏପରି ନିଷ୍ପତି ନେଇଛନ୍ତିା ହେଲେ ସେ ନିଜ ଘରୋଇ ପ୍ରଂଶସକ ସମ୍ମୁଖରେ ଅଲିମ୍ପିକରେ ଖେଳିବା ଲାଗି ଉତ୍ସାହିତ ଅଛନ୍ତି ଏବଂ ଏଥିପାଇଁ ପ୍ରସ୍ତୁତ ହେଉଛନ୍ତି ବୋଲି ଓସାକାଙ୍କ ଏଜେଟଷ୍ଟୁଆର୍ଟ ଡୁଗୁଇଡ୍ ଜଣାଇଛନ୍ତା ଓସାକା ଏ ପର୍ଯ୍ୟନ୍ତ ୪ ଗ୍ରାଣ୍ଡ ସ୍ଲାମ୍ ନିଜ ନାମରେ କରିସାରିଲେଣିା ଏଥିରେ ଦୁଇଟି ଲେଖାଏଁ ୟୁଏସ୍ ଓପନ୍ (୨୦୧୮, ୨୦୨୦) ଏବଂ ଅଷ୍ଟ୍ରେଲିଆନ୍ ଓପନ୍ (୨୦୧୯, ୨୦୨୧) ରହିଛି ।
