ପିକଅପ୍ ଧକ୍କାରେ ଜଣେ ମୃତ, ପିକଅପ୍ ଜବତ

ବାଲେଶ୍ୱର : ବାଲେଶ୍ୱର ଜିଲା ସେରଗଡ଼-ଉଦଳା ୧୯ନଂ. ରାଜ୍ୟ ରାଜପଥ ନୀଳଗିରି ସିମୁଳିଆ ଛକରେ ବସରୁ ଓହ୍ଲାଇ ରାସ୍ତା ପାରି ହୋଇ ହୋଟେଲକୁ ଖାଇବାକୁ ଯାଉଥିବା ବେଳେ ପିକଅପ ଧକ୍କାରେ ଯୁବକର ମୃତ୍ୟୁ ।

ସୂଚନା ଯେ, ନୟାଗଡ଼ ଜିଲା ଖଣ୍ଡପଡ଼ା ଥାନା ସିଦ୍ଧମୂଳ ଗ୍ରାମର ରଞ୍ଜିତ ମନ୍ତ୍ରୀ (୧୯) ଜନୈକ ଏକ କମ୍ପାନୀ ରାସ୍ତା କାମର ସର୍ଭେ ପାଇଁ ଆଜିକୁ ପନ୍ଦର ଦିନ ହେବ ନୀଳଗିରିରେ ରହି କାମକରିଆସୁଥିଲେ । ଶୁକ୍ରବାର ମଧ୍ୟାହ୍ନ ୧୨ଟା ସମୟରେ ସିମୁଳିଆ ଛକରେ ଥିବା ହୋଟେଲକୁ ଖାଇବାକୁ ଯିବା ପାଇଁ ବସ୍‌ରୁ ଓହ୍ଲାଇ ରାସ୍ତା ପାରିହେବା ସମୟରେ ବାଲେଶ୍ୱର ଅଭିମୁଖେ ଯାଉଥିବା ପିକଅପ୍ (ନଂ. ଓଡ଼ି୦୧ଟି-୯୧୦୮ )ଟି ଦ୍ରୁତ ଗତିରେ ଯାଉଥିବା ବେଳେ ରଞ୍ଜିତକୁ ଧକ୍କା ଦେଇଥିଲା । ସେଠାରେ ତାଙ୍କର ମୁଣ୍ଡରେ ଗଭୀର ଆଘାତ ପ୍ରାପ୍ତ ହୋଇ ଥିବାବେଳେ ଗୁରୁତର ଅବସ୍ଥାରେ ନୀଳଗିରି ଦମକଳ ବାହିନୀ ଘଟଣାସ୍ଥଳ ପହଞ୍ôଚ ତାଙ୍କୁ ନୀଳଗିରି ମେଡିକାଲକୁ ଆଣି ଥିଲେ । ଡାକ୍ତର ରଞ୍ଜିତକୁ ମୃତ ଘୋଷଣା କରିଥିଲେ । ନୀଳଗିରି ପୋଲିସ ଘଟଣାସ୍ଥଳରେ ପହଞ୍ôଚ ପିକଅପ୍‌ଟିକୁ ଗୋଡାଇ ସେରଗଡ଼ ଠାରୁ ଜବତ କରିଛି । ଏନେଇ ନୀଳଗିରି ପୋଲିସ ପକ୍ଷରୁ ଏକ ଅପମୃତ୍ୟୁ ମାମଲା ନଂ (୨୮୫ / ୨୧) ରୁଜୁ କରିବା ସହ ମୃତ୍ୟୁ ଯୁବକର ଶବଟିକୁ ବ୍ୟବଛେଦ ପାଇଁ ପଠାଇଛି ।