କୋଟିଏ ଟଙ୍କାର ଗଞ୍ଜେଇ ଜବତ, ୨ ଗିରଫ
ନବରଙ୍ଗପୁର : ନବରଙ୍ଗପୁର ଜିଲା ପାଡୁଆ ପୋଲିସକୁ ବଡ ସଫଳତା । ବିଶେଷ ସୂତ୍ରରୁ ଖବର ପାଇ କୋରାପୁଟ ଏସପିଙ୍କ ନିର୍ଦ୍ଦେଶ କ୍ରମେ ନନ୍ଦପୁର ଏସଡିପିଓଙ୍କ ନେତୃତ୍ୱରେ ପାଡୁଆ ଥାନା ପୋଲିସ ଡାକ ବଙ୍ଗଳା ଛକ ନିକଟରେ ଚଢ଼ାଉ କରିଥିଲେ । ବାଡେଲ ଅଞ୍ଚଳରୁ ଦ୍ରୁତ ଗତିରେ ଆସୁଥିବା ଏକ ପିକଅପ୍ ଭ୍ୟାନକୁ ପୋଲିସ ଅଟକାଇବାରୁ ଗାଡି ଛାଡି ଡ୍ରାଇଭର ଜଣକ ଜଙ୍ଗଲ ଭିତରକୁ ପଳାଇ ଯାଇଥିଲା।
ପିକଅପ ଭ୍ୟାନକୁ ଏସ୍କର୍ଟ କରି ଆସୁଥିବା ମୋଟର ସାଇକେଲରେ ଦୁଇ ଗଞ୍ଜେଇ ମାଫିଆଙ୍କୁ କାବୁ କରିଥିଲା ପୋଲିସ୍ । ଗାଡ଼ି ଯାଞ୍ଚ କରିବାରୁ ପିକଅପ୍ ଡ଼ାଲାରେ ୩୭ଟି ବସ୍ତାରେ ପ୍ରାୟ ୧ ଟନ ଗଞ୍ଜେଇ ଜବତ ଥିବାର ଦେଖିବାକୁ ମିଳିଥିଲା । ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୧କୋଟି ଟଙ୍କା ହେବ । ସେହିପରି ଗିରଫ ଯୁବକ ମାନେ ନନ୍ଦପୁର ବ୍ଲକ ବାଡେଲ ଗ୍ରାମର ଗୁରୁ ହେନ୍ତାଳ ଓ ପ୍ରହଲ୍ଲାଦ ଗୋଲରି ବୋଲି ଜଣାପଡିଛି। ଏହି ଗଞ୍ଜେଇ ଚୋରାଚାଲଣରେ ଅଞ୍ଚଳ ଅନ୍ୟ କେଉଁମାନେ ସଂପୃକ୍ତ ଅଛନ୍ତି ସେନେଇ ପୋଲିସ୍ ଗିରଫ ଯୁବକଙ୍କୁ ପଚରାଉଚରା କରିବା ସହ ତଦନ୍ତ ଜାରି ରଖିଥିବା ନେଇ ନନ୍ଦପୁର ଏସଡିପିଓ ସୂଚନା ଦେଇଛନ୍ତି ।
