ଡଗରା-ଚଉମୁଖ ବେଳାଭୂମିରେ ୧୦୬ଟି ଅଣ୍ଡା ଦେଲା ଅଲିଭ ରିଡ୍ଲେ କଇଁଛ
ବାଲିଆପାଳ : ବାଲେଶ୍ୱର ଜିଲା ଚାନ୍ଦିପୁର ଫରେଷ୍ଟ ରେଞ୍ଜ ଅଧୀନସ୍ଥ ବାଲିଆପାଳ ବ୍ଲକର ଡଗରା-ଚଉମୁଖ ବେଳାଭୂମିରେ ଚଳିତବର୍ଷର ପ୍ରଥମ ଅଲିଭ୍ ରିଡ୍ଲେ କଇଁଛକୁ ଠାବ କରାଯାଇଛି । ସମୁଦ୍ର ପଥରେ ଯୋଜନ ଯୋଜନ ଦୂରତା ଅତିକ୍ରମ କରି ସୋମବାର ଗୋଟିଏ ଅଲିଭ୍ ରିଡଲେ ଏହି ବେଳାଭୂମିରେ ପହଞ୍ôଚ ଅଣ୍ଡା ଦେଇଛି । ଏହି କଇଁଛଟି ମୋଟ୍ ୧୦୬ଟି ଅଣ୍ଡାଦାନ କରିଛି ବୋଲି ଚାନ୍ଦିପୁର ରେଞ୍ଜ୍ ଅଫିସର ଗଣେଶ ପ୍ରସାଦ ଲେଙ୍କା ସୂଚନା ଦେଇଛନ୍ତି ।
ବିରଳ ପ୍ରଜାତିର ଏହି କଇଁଛ ଓ ସେମାନଙ୍କ ଅଣ୍ଡାକୁ ସୁରକ୍ଷା ଦେବା ପାଇଁ ବନଖଣ୍ଡ ବିଭାଗ ପକ୍ଷରୁ ଅସ୍ଥାୟୀ କ୍ୟାମ୍ପ୍ ପ୍ରସ୍ତୁତ କରାଯିବା ସହ କର୍ମଚାରୀଙ୍କୁ ଜଗିବା ପାଇଁ ନିୟୋଜିତ କରାଯାଇଛି । ନିର୍ଦ୍ଧାରିତ ସମୟ ପୂର୍ବରୁ ବାଲେଶ୍ୱରକୁ ଅଲିଭ-ରିଡ୍ଲେଙ୍କ ଆଗମନ ବନ୍ୟପ୍ରାଣୀପ୍ରେମୀଙ୍କୁ ଉତ୍ସାହିତ କରିଛି ।
