ଆଇଏସଏଲ ୨୦୨୧-୨୨ : ଓଡ଼ିଶା ଏଫସିର ଦମଦାର ବିଜୟ
ଟେବୁଲ ଟପର ମୁମ୍ବାଇ ସିଟି ଏଫସିକୁ ୪-୨ରେ ହରାଇଲା ଓଡ଼ିଶା
ପଣଜୀ(ଗୋଆ): ଇଣ୍ଡିଆନ ସୁପର ଲିଗ୍ (ଆଇଏସଏଲ) ୨୦୨୧-୨୨ରେ ସୋମବାର ଖେଳାଯାଇଥିବା ମୁକାବିଲାରେ ଓଡିଶା ଏଫସିର ଦମଦାର ବିଜୟ । ଟେବୁଲ ଟପର ମୁମ୍ବାଇ ସିଟି ଏଫସିକୁ ୪-୨ରେ ହରାଇଲା ଓଡିଶା । ତିଳକ ମୈଦାନ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ରେ ଓଡିଶା ଖେଳାଳିଙ୍କ ଚମତ୍କାର ପ୍ରଦର୍ଶନ ଦେଖିବାକୁ ମିଳିଥିଲା ।
ଓଡିଶା ପକ୍ଷରୁ ଆରିଦାଇ କେବ୍ରାରା ମ୍ୟାଚ୍ ଆରମ୍ଭର ଚତୁର୍ଥ ମିନିଟରେ ପ୍ରଥମ ଗୋଲ୍ ସ୍କୋର କରି ଟିମକୁ ଆଗୁଆ କରାଇଥିଲେ । ମାତ୍ର ଏକାଦଶତମ ମିନିଟରେ ମୁମ୍ବାଇ ସିଟି ଖେଳାଳି ଅହମ୍ମଦ ଜାହୋ ଗୋଲ୍ କରିବା ସହ ସ୍କୋର ବରାବର କରିଥିଲେ । ପରେ ୩୮ତମ ମିନିଟରେ ଅନଗୋଲୋ ଗୋଲ୍ କରିଥିଲେ । ମାତ୍ର ମାୱିମିଙ୍ଗଥାନା ମ୍ୟାଚ୍ର ୭୦ ଓ ୭୭ତମ ମିନିଟରେ ଦୁଇଟି ଗୋଲ୍ କରିଥିଲେ । ପରେ ଓଡିଶା ପକ୍ଷରୁ ଚତୁର୍ଥ ଗୋଲ୍ କରିଥିଲେ ଜୋନାଥାସ । ମୁମ୍ବାଇ ସିଟି ଏଫସି ପରବର୍ତ୍ତୀ ମୁକାବିଲା ଶୁକ୍ରବାର ଇଷ୍ଟ ବେଙ୍ଗଲ ସହ ଖେଳିବ ଅନ୍ୟପଟେ ଓଡିଶା ଏଫସି ଏଟିକେ ମୋହୁନ ବାଗାନ ବିପକ୍ଷରେ ଶନିବାର ଖେଳିବ ।
