ଓଡ଼ିଶାର ୧୦୮ ଆମ୍ବୁଲାନ୍ସକୁ ଜାତୀୟ ସ୍ବୀକୃତି
ଭୁବନେଶ୍ବର : ରାଜ୍ୟରେ ମାଗଣା ଆମ୍ବୁଲାନ୍ସ ସେବା ଯୋଗାଉଥିବା ୧୦୮ ଆମ୍ବୁଲାନ୍ସକୁ ଜାତୀୟ ସ୍ବୀକୃତି ମିଳିଛି। ନୂଆଦିଲ୍ଲୀର ରୋଜିଏଟ୍ ହାଉସରେ ଆୟୋଜିତ ଏକ ପୁରସ୍କାର ବିତରଣ ଉତ୍ସବରେ ୧୦୮ ଆମ୍ବୁଲାନ୍ସକୁ ଇଟି ଲିଡରସିପ୍ ଏକ୍ସିଲେନ୍ସି ଆୱାର୍ଡସ୍ ୨୦୨୨ ପ୍ରଦାନ କରାଯାଇଛି। ‘ପ୍ରି-ହସ୍ପିଟାଲ କେୟାର’ ବର୍ଗରେ ଜରୁରୀକାଳୀନ ଚିକିତ୍ସା ସେବା ପାଇଁ ଏହି ପୁରସ୍କାର ଦିଆଯାଇଛି। ଅଭିନେତ୍ରୀ ଇଶା ଗୁପ୍ତା ଓଡ଼ିଶାରେ ୧୦୮ ଆମ୍ବୁଲାନ୍ସ ପରିଚାଳନା କରୁଥିବା ଜିକିତ୍ସା ହେଲଥ କେୟାରର ରାଜ୍ୟ ମୁଖ୍ୟ ସବ୍ୟସାଚୀ ବିଶ୍ବାଳଙ୍କୁ ଏହି ପୁରସ୍କାର ପ୍ରଦାନ କରିଥିଲେ।
