କଂଗ୍ରେସ ଅଧ୍ୟକ୍ଷ ପଦ ପାଇଁ ଥରୁର କଲେ ନାମାଙ୍କନ

ନୂଆଦିଲ୍ଲୀ : କଂଗ୍ରେସର ବରିଷ୍ଠ ନେତା ଶଶି ଥରୁର ପାର୍ଟିର ଅଧ୍ୟକ୍ଷ ପଦ ପାଇଁ ଶୁକ୍ରବାର ଦ୍ୱିପ୍ରହର ଦିନ ନିଜ ନାମାଙ୍କନ ଦାଖଲ କରିଛନ୍ତି । ଥରୁର୍ ନାମାଙ୍କନ ଦାଖିଲ କରିବା ପୂର୍ବରୁ ରାଜଘାଟ ପହଂଚି ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରିଛନ୍ତି । ତାଙ୍କ ପରେ ତାଙ୍କ ସମର୍ଥଙ୍କ ସହିତ କଂଗ୍ରେସ ମୁଖ୍ୟାଳୟ ପହଂଚିଥିଲେ । ସେଠାରେ ସେ ନିଜ ନାମାଙ୍କନ ଦାଖଲ କରିଛନ୍ତି । ଏହି ସମୟରେ ବଡ଼ ସଂଖ୍ୟାରେ ଶଶି ଥରୁରଙ୍କ ସମର୍ଥକ ଉପସ୍ଥିତ ଥିଲେ ।

ଉଲ୍ଲେଖନୀୟ ଯେ କଂଗ୍ରେସର ବରିଷ୍ଠ କଂଗ୍ରେସ ନେତା ମଲ୍ଲିକାର୍ଜ୍ଜୁନ ଖଡ଼ଗେ ଏବଂ ଶଶି ଥରୁର କଂଗ୍ରେସ ଅଧ୍ୟକ୍ଷ ପଦ ପାଇଁ ମୈଦାନରେ ଅଛନ୍ତି । ସେଠାରେ ଅଧ୍ୟକ୍ଷ ପଦ ପାଇଁ ନାମାଙ୍କନ ପତ୍ର କିଣିବାର ଗୋଟିଏ ଦିନ ପରେ ବରିଷ୍ଠ ନେତା ଦିଗ୍‌ବିଜୟ ସିଂହ ନିର୍ବାଚନ ନଲଢ଼ିବାର ନିଷ୍ପତି ନେଇଛନ୍ତି । ସିଂହ ସ୍ଥିର କରିଛନ୍ତି ସେ ଖଡ଼ଗେଙ୍କ ପ୍ରସ୍ତାବକ ହେବେ । ସେଠାରେ ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗହଲୋତ ମଧ୍ୟ ଶ୍ରୀ ସିଂହଙ୍କ ସମର୍ଥନ କରି କଂଗ୍ରେସ ଅଧ୍ୟକ୍ଷ ପଦ ପାଇଁ ଖଡ଼ଗେଙ୍କ ନାମାଙ୍କନରେ ପ୍ରସ୍ତାବକ ହେବାର ଇଚ୍ଛା ଜାହିର କରିଛନ୍ତି ।