ସାରେଗାମାପା’ର ବିଜେତା ହେଲେ ନୀଲଞ୍ଜନା ରାୟ
ମୁମ୍ବାଇ : ‘ଜି’ ଟିଭିର ଲୋକପ୍ରିୟ ସିଙ୍ଗିଂ ରିଆଲିଟି ଶୋ’ ସାରେଗାମାପା’ର ବିଜେତା ହୋଇଛନ୍ତି ନୀଲଞ୍ଜନା ରାୟ । ଏହି ଫାଇନାଲରେ ନୀଲଞ୍ଜନା ରାୟ ରାଜଶ୍ରୀ ବାଗ ଏବଂ ଶରଦ ଶର୍ମାଙ୍କୁ ପଛରେ ପକାଇ ୱିନର ହୋଇଛନ୍ତି । ରାଜଶ୍ରୀ ବାଗ ପ୍ରଥମ ରନର୍ ଅପ୍ ଏବଂ ଶରଦ ଶର୍ମା ଦ୍ୱିତୀୟ ରନର୍ ଅପ୍ ହୋଇଥିବାବେଳେ ନୀଲଞ୍ଜନା ବିଜେତା ହୋଇଥିଲେ । ନାଲାଞ୍ଜନାଙ୍କୁ ଟ୍ରଫି ସହିତ ୧୦ ଲକ୍ଷ ଟଙ୍କାର ପୁରସ୍କାର ରାଶି ମିଳିଛି । ସେହିପରି ରାଜଶ୍ରୀଙ୍କୁ ୫ ଲକ୍ଷ ଟଙ୍କା ଏବଂ ଶରଦଙ୍କୁ ୩ ଲକ୍ଷ ଟଙ୍କା ପୁରସ୍କାର ରାଶି ପ୍ରଦାନ କରାଯାଇଛି।
ଫାଇନାଲ ରାଉଣ୍ଡରେ ବଲିଉଡର ଜଣାଶୁଣା ଗାୟକ ଉଦିତ ନାରାୟଣ ଏବଂ ଶିଳ୍ପା ରାଓ ମଧ୍ୟ ଉପସ୍ଥିତ ଥିଲେ। ଏହି ଶୋ’ରେ ନୀଲଞ୍ଜନା ରାୟ, ରାଜଶ୍ରୀ ବାଗ, ଶରଦ ଶର୍ମା, ଅନନ୍ୟା ଚକ୍ରବର୍ତ୍ତିୀ, ସ୍ନିଗ୍ଧଜିତ୍ ଓ ସଞ୍ଜନା ଭଟ୍ଟ ଟପ୍ ୬ ଫାିନାଲିଷ୍ଟରେ ପହଞ୍ଚିଥିଲେ ।
