ନୀଳମଣି କଲେଜ ପୁରାତନ ଛାତ୍ର ସଂସଦର ବନ୍ଧୁ ମିଳନ
ରୂପସା : ବାଲେଶ୍ୱର ସଦର ବ୍ଲକ ଅନ୍ତର୍ଗତ ରୂପସା ସ୍ଥିତ ନୀଳମଣି ମହାବିଦ୍ୟାଳୟର ପୁରାତନ ଛାତ୍ର ସଂସଦ ଆନୁକୁଲ୍ୟରେ ବାଲେଶ୍ୱର ବିଟ୍ସ କଲେଜ ସମ୍ମିଳନୀ କକ୍ଷରେ ଏକ ବନ୍ଧୁମିଳନ ଉତ୍ସବ ଅନୁଷ୍ଠିତ ହୋଇଯାଇଛି ।
ଉତ୍ସବରେ ସଂସଦର ସଭାପତି ଜୟନ୍ତ କୁମାର ପାଣିଗ୍ରାହୀ ସଭାପତିତ୍ୱ କରି କଲେଜର ବିକାଶ ପାଇଁ ସମସ୍ତଙ୍କ ସହଯୋଗ କାମନା କରିଥିଲେ । ସାଧାରଣ ସମ୍ପାଦକ ବାଞ୍ଛାନିଧି ଦେ ସଂସଦର କାର୍ଯ୍ୟାବଳୀ ସମ୍ପର୍କରେ ଆଲୋଚନା କରିଥିଲେ । ମୁଖ୍ୟ ଅତିଥି ନୀଳମଣି କଲେଜର ପୂର୍ବତନ ଅଧ୍ୟକ୍ଷ ପ୍ରାଧ୍ୟାପକ ବସନ୍ତ କୁମାର ଭୋଇ ଯୋଗଦେଇ କଲେଜର ସର୍ବାଙ୍ଗୀନ ଉନ୍ନତିରେ ପୁରାତନ ଛାତ୍ରୀଛାତ୍ରଙ୍କ ଭୂମିକା ସମ୍ପର୍କରେ ଆଲୋଚନା କରିବା ସହ ସେମାନେ କଲେଜର ସମ୍ପତ୍ତି ବୋଲି କହିଥିଲେ । ଛାତ୍ରସଂସଦରେ ଅଧିକରୁ ଅଧିକ ଛାତ୍ରୀଛାତ୍ର ଯୋଗଦେବାକୁ ସେ ପରାମର୍ଶ ଦେଇଥିଲେ । ପ୍ରାକ୍ତନ ଛାତ୍ର ଦିଲ୍ଲୀପ କୁମାର ଦାସ, ପ୍ରମୋଦ କୁମାର ମହାନ୍ତି, ସିଦ୍ଧେଶ୍ୱର ବିନ୍ଧାଣୀ ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ । ଝିଲିମଣୀ ଜେନା, ଇଂ. ରାକେଶ କୁମାର ଦାସ, ଜିତେନ୍ଦ୍ର ପ୍ରହରାଜ, ମଧୁସ୍ମିତା ନାୟକ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ଧନଞ୍ଜୟ ତ୍ରିପାଠୀ, ଜ୍ୟୋତ୍ସ୍ନାମୟୀ ବେହେରା, କାନ୍ତିକ୍ରିଷ୍ଣା ଦାଶ ପ୍ରମୁଖ ସହଯୋଗ କରିଥିଲେ । କୋଷାଧ୍ୟକ୍ଷ ଗୋପାଳ ଚନ୍ଦ୍ର ସାହୁ ଧନ୍ୟବାଦ ଦେଇଥିଲେ ।
