ଘରେ ପଶିଗଲା ଦନ୍ତା; ଅଳ୍ପକେ ବର୍ତ୍ତିଗଲେ ପରିବାର ୫ ସଦସ୍ୟ
ଦନ୍ତା ହାତୀ ଟିକୁ ଘଉଡ଼ାଇଲେ ଗାଁ ଲୋକ
ନୀଳଗିରି : ବାଲେଶ୍ୱର ଜିଲ୍ଲା ନୀଳଗିରି ସ୍ଥାନୀୟ କୁଲଡିହା ଅଭୟାରଣ୍ୟରୁ ସୋମବାର ମଧ୍ୟରାତ୍ରିରେ ଦୁଇଟି ଦନ୍ତା ଜଙ୍ଗଲରୁ ଖସିଆସି ଗୋଟିଏ ଦନ୍ତା ଜାମୁଢିଆ ପଞ୍ଚାୟତ ଭୁଳାଗଡିଆ ଗାଁର ଜାନକୀ ଟୁଡୁ ଘରେ ପଶି ଯାଇଥିଲା । ପରିବାର ୫ ସଦସ୍ୟ ଶୋଇଥିବା ବେଳେ ଛପର ଭାଗିଂବାର ଶବ୍ଦ ଶୁଣି ବାହାରକୁ ଧାଇଁ ପଳାଇଥିଲେ। ଫଳରେ ଅଳ୍ପକେ ବର୍ତ୍ତିଗଲେ ପରିବାର ଲୋକେ। ସେହିପରି ଉକ୍ତ ଗ୍ରାମର ମଗଂଲ ମୁର୍ମୁ ଘରକୁ ମଧ୍ୟ ଭାଗିଂଥିଲା। ଦନ୍ତାର ଉପଦ୍ରବକୁ ମୁକାବିଲା କରିବାକୁ ଶେଷରେ ଗାଁର ୩୦ /୫୦ ଯୁବକ ଏକତ୍ରିତ ହୋଇ ତାକୁ ତିନିକୋଶିଆ ସଂରକ୍ଷିତ ଜଙ୍ଗଲକୁ ଘଉଡ଼ାଇ ନେଇଥିବା ଜଣାଯାଇଛି।ଏଥିରେ ଗାଁଲୋକେ ଭୟଭୀତ ହୋଇ ବନ ବିଭାଗକୁ ଫୋନ କରିଥିଲେ ଘଟଣା ସ୍ଥଳରେ ପହଞ୍ଚିଥିଲେ।
ଅନୁରୂପ ଭାବେ ଗତ ରାତିରେ ଅନ୍ଯ ଏକ ଦନ୍ତାଟି ସଜନାଗଡ ପଞ୍ଚାୟତ କୁଲଡିହାର ପାଦଦେଶ ବାଣ୍ଠିଆପଡା ଗାଁରେ ପଶି ଯାଇଥିଲା।ସେଠାରେ ସୁରା ସିଂହ ଘର ଭାଗିଂଥିଲା । ଗ୍ରାମବାସୀ ଟିଣ ବାଜା ପିଟି ଭକ୍ତ ଦନ୍ତାକୁ ଗାଁର ପାରକରି କୁଲଡିହା ପାହାଡ଼ ଅଭିମୁଖେ ପଳାଇଥିଲା।
