ଝାରସୁଗୁଡା ଜିଲ୍ଳା ଆନ୍ତଃ କ୍ଳବ ଫୁଟବଲ କ୍ୱାଟର ଫାଇନାଲ ର ୨ୟ ଦିନ ରେ ନେହେରୁ ଯୁବକ ସଂଘ ବଢେଇମୁଣ୍ଡା ବିଜୟୀ ।
ଝାରସୁଗୁଡ଼ା : ଜିଲ୍ଳା ଆଥଲେଟିକ ଆସୋସିଏସନ ଦ୍ୱାରା ଓ.ଏସ.ଏପି ,ମିନି ଷ୍ଟାଡିୟମ ରେ ହେଉଥିବା ସ୍ୱର୍ଗତ ଅଶୋକ କୁମାର ମିଶ୍ର ସ୍ମାରକୀ ଲିଗ ,କମ୍ ନକ୍ ଆଉଟ ଫୁଟବଲ ପ୍ରତିଯୋଗିତାର ଲିଗ ମ୍ୟାଚ ଗୁଡିକ ଶେଷ ହୋଇ ଗତ ୧୮ ତାରିଖ ଠାରୁ କ୍ୱାଟରଫାଇନାଲ ମ୍ୟାଚ ଆରମ୍ଭ ହୋଇଛି । ଆଜି ୧୯ ତାରିଖରେ ବୁନ୍ଦାମାଲ ଆର, ଆର କଲୋନୀ ଓ ନେହେରୁ ଯୁବକ ସଂଘ ବଢେଇମୁଣ୍ଡା ମଧ୍ୟରେ ୨ୟ କ୍ୱାଟରଫାଇନାଲ ମ୍ୟାଚ ଅନୁଷ୍ଠିତ ହୋଇ ଥିଲା । ଏହି ମ୍ୟାଚରେ ନେହେରୁ ଯୁବକ ସଂଘ ବଢେଇମୁଣ୍ଡା ୩-୨ ଗୋଲରେ ବିଜୟୀ ହୋଇ ଦ୍ୱିତୀୟ ଦଳ ଭାବରେ ସେମିଫାଇନାଲରେ ପ୍ରବେଶ କରିଛି । ଆଜିର ମ୍ୟାଚରେ ୨ୟ ଓ.ଏସ.ଏପି ର ଉପ-ଦୁର୍ଗପତି ମାନଧାତା ସାଇ ଅତିଥି ଭାବରେ ଯୋଗ ଦେଇ ଖେଳାଳି ମାନଙ୍କ ସହିତ ପରିଚିତ ହୋଇ ଥିଲେ । ଏହି ମ୍ୟାଚରେ ବୁନ୍ଦାମାଲ ଆର, ଆର କଲୋନୀ ର ମଙ୍ଗଳୁ ଓରାମ ସର୍ବଶ୍ରେଷ୍ଠ ଖେଳାଳି ଭାବରେ ଅତିଥି ଙ୍କ ଠାରୁ ପୁରସ୍କୃତ ହୋଇ ଥିଲେ । ଏହି ଖେଳକୁ ସୁଜିତ କୁଜୁର, ନବିନ ଦେଓ, ତାରଜନ ବିଶ୍ୱାଳ, ଓ ପ.ିରାଜେଶ୍ୱର ରାଓ ପରିଚାଳନା କରି ଥିଲେ ।
