ଝାରସୁଗୁଡା ଜିଲ୍ଳା ଆନ୍ତଃ କ୍ଳବ ଫୁଟବଲ ଫାଇନାଲରେ ନେହେରୁ ଯୁବକ ସଂଘ ବଢେଇମୁଣ୍ଡା
ଝାରସୁଗୁଡ଼ା : ଜିଲ୍ଳା ଆଥଲେଟିକ ଆସୋସିଏସନ ଦ୍ୱାରା ଓ.ଏସ.ଏପି ,ମିନି ଷ୍ଟାଡିୟମ ରେ ହେଉଥିବା ସ୍ୱର୍ଗତ ଅଶୋକ କୁମାର ମିଶ୍ର ସ୍ମାରକୀ ଫୁଟବଲ ପ୍ରତିଯୋଗିତା ର ପ୍ରଥମ ସେମିଫାଇନାଲ ମ୍ୟାଚ ଗୋଲଡେନ ଆଥଲେଟିକ କ୍ଳବ ଏବଂ ନେହେରୁ ଯୁବକ ସଂଘ ବଢେଇମୁଣ୍ଡା ମଧ୍ୟରେ ଅନୁଷ୍ଠିତ ହୋଇ ଥିଲା ପ୍ରଥମ ଭାଗ ଖେଳର ୨୪ ମିନିଟରେ ନେହେରୁ ଯୁବକ ସଂଘ ପ୍ରଥମ ଗୋଲ ଦେଇ ଆଗୁଆ ରହି ଥିଲା । ଗୋଲଡେନ ଆଥଲେଟିକ କ୍ଳବ ଗୋଲଟି ପରିଶୋଧ କରିବାକୁ ବହୁ ଚେଷ୍ଟା କରି ଥିଲେ ମଧ୍ୟ ଖେଳ ଶେଷ ପର୍ଯ୍ୟନ୍ତ ସଫଳ ହୋଇ ନଥିଲେ । ଶେଷରେ ନେହେରୁ ଯୁବକ ସଂଘ ୧-୦ ଗୋଲରେ ବିଜୟୀ ହୋଇ ପ୍ରଥମ ଦଳ ଭାବରେ ଫାଇନାଲ ରେ ପ୍ରବେଶ କରିଛି । ଆସନ୍ତା କାଲି ଗୁରୁବାର ଝାଡେଶ୍ୱରୀ କ୍ଳବ ଚତୁଆପଡା ଓ ପ୍ରଗତି କ୍ଳବ ମଧ୍ୟରେ ୨ୟ ସେମିଫାଇନାଲ ଅନୁଷ୍ଠିତ ହେବ । ଆସନ୍ତା ୨୭ ତାରିଖ ରବିବାର ଫାଇନାଲ ମ୍ୟାଚ ଅନୁଷ୍ଠିତ ହେବ । ଆଜିର ମ୍ୟାଚରେ ଡି,ଏ.ଭି ସ୍କୁଲର ଅଧ୍ୟକ୍ଷ ପ୍ରଶାନ୍ତ କୁମାର ପଣ୍ଡା ଅତିଥି ଭାବରେ ଯୋଗ ଦେଇ ଖେଳାଳି ମାନଙ୍କ ସହିତ ପରିଚିତ ହୋଇ ଥିଲେ । ଏହି ମ୍ୟାଚରେ ଗୋଲଡେନ ଆଥଲେଟିକ କ୍ଳବ ର ପିଟୁ ମୁଣ୍ଡା (୧୪ନମ୍ବର) ସର୍ବଶ୍ରେଷ୍ଠ ଖେଳାଳି ଭାବରେ ଅତିଥି ଙ୍କ ଠାରୁ ପୁରସ୍କୃତ ହୋଇ ଥିଲେ ।ଏହି ଖେଳକୁ ସୁଜିତ କୁଜୁର , ପି.ରାଜେଶ୍ୱର ରାଓ, ତାରଜନ ବିଶ୍ୱାଳ ଓ ସଂଜୟ ଦାସ ପରିଚାଳନା କରି ଥିଲେ ।
