ମଡେ଼ଲ ଡିଗ୍ରୀ କଲେଜରେ ଜାତୀୟ ଯୁବ ଦିବସ ପାଳିତ
ନବରଙ୍ଗପୁର : ନବରଙ୍ଗପୁର ଜିଲ୍ଲାର ଟିର୍ଲି ଆମ୍ବାଗୁଡ଼ା ଠାରେ ଥିବା ଆଦର୍ଶ ସ୍ନାତକ ମହାବିଦ୍ୟାଳୟ ରେ ଜାତୀୟ ସେବା ଯୋଜନା ତରଫରୁ ସ୍ବାମୀ ବିବେକାନନ୍ଦ ଙ୍କ ଜନ୍ମ ଜୟନ୍ତୀ ସମାରୋହ ଜାତୀୟ ଯୁବ ଦିବସ ଭାବେ ଆଡମ୍ବର ସହକାରେ ପାଳନ କରାଯାଇଛି। ଅଧ୍ୟକ୍ଷ ଡ ରଂଜନ କୁମାର ବେହେରାଙ୍କ ସଭାପତିତ୍ବ ରେ ଆୟୋଜିତ କାର୍ଯ୍ୟକ୍ରମ ରେ ମୁଖ୍ୟ ବକ୍ତା ଭାବେ ଜିଲ୍ଲା ସଂସ୍କୃତି ଅଧିକାରୀ ଶ୍ରୀ ଘାସିଆ ହରିଜନ ଯୋଗଦେଇ ସ୍ବାମୀଜୀଙ୍କ ଜୀବନ ଆଦର୍ଶ ରେ ଅନୁପ୍ରାଣିତ ହେବା ପାଇଁ ଉଦବୋଧନ ଦେଇ ଥିଲେ।ସମ୍ମାନିତ ବକ୍ତା ଭାବେ ଡାକ୍ତର ବିପିନ ବିହାରୀ ମିଶ୍ର ଯୋଗଦେଇ ସମାଜ ସେବା ରେ ରାମକୃଷ୍ଣ ମିଶନ କିପରି ଆଜି ମାଇଲ ଖୁଣ୍ଟ ପ୍ରତିଷ୍ଠା କରି ପାରିଛି, ସେ ବିଷୟରେ ବର୍ଣ୍ଣନା କରିବା ସଙ୍ଗେସଙ୍ଗେ ଦେଶ ମାତୃକାର ସେବା ପାଇଁ ବ୍ରତୀ ହେବାକୁ ଆହ୍ଵାନ କରିଥିଲେ। ଅଧ୍ୟାପିକା ଜିଭିଭି ରଞ୍ଜିତା ଓ ସୁଲୋଚନା ନାୟକ ସ୍ବାମୀଜୀ ଙ୍କ ବିଷୟରେ ବକ୍ତବ୍ୟ ପ୍ରଦାନ କରିଥିଲେ। ମହାବିଦ୍ୟାଳୟ ର ଜାତୀୟ ସେବା ଯୋଜନା ଅଧିକାରୀ ସହକାରୀ ପ୍ରଫେସର ରାଜୀବ ଜାଲ ଙ୍କ ଧନ୍ୟବାଦ୍ ଅର୍ପଣ ପରେ କାର୍ଯ୍ୟକ୍ରମର ପରି ସମାପ୍ତି ହୋଇ ଥିଲା। ସୁମନ୍ତ ବଘେଲ, ଶ୍ରବଣ କୁମାର ପୁଝାରୀ, ପଲ୍ଲବୀ ସାହୁ, ଧନର ମାଝୀ, ମୋନାଲିସା ନାଗ ପ୍ରମୁଖ ସହଯୋଗ କରିଥିଲେ।
