ଉତ୍ତର ବାଲେଶ୍ୱର ପ୍ରେସ୍ କ୍ଳବ ପକ୍ଷରୁ ଜାତୀୟ ପ୍ରେସ୍ ଦିବସ ପାଳିତ
ଜଳେଶ୍ୱର : ଉତ୍ତର ବାଲେଶ୍ୱର ପ୍ରେସ୍ କ୍ଲବ ପକ୍ଷରୁ ଭଂଜ କଲୋନୀଠାରେ ଜାତୀୟ ପ୍ରେସ୍ ଦିବସ ପାଳିତ ହୋଇ ଯାଇଛି । ଆୟୋଜିତ ସଭାରେ ବରିଷ୍ଠ ସାମ୍ବାଦିକ ଅବନୀ ଚାନ୍ଦ ଅଧ୍ୟକ୍ଷତା କରି ସାମ୍ବାଦିକ ମାନେ ନିରପେକ୍ଷ ଖବର ପରିବେଷଣ କରିବା ସହିତ ଖବର ପଛର ଖବର ସଂଗ୍ରହ ଲାଗି ଆହ୍ୱାନ ଦେଇଥିଲେ । ମୁଖ୍ୟ ଅତିଥିଭାବେ ଅଧ୍ୟାପକ ସୁକାନ୍ତ ଗିରି ଯୋଗ ଦେଇ ସାମ୍ବାଦିକ ମାନଙ୍କ ବହୁବିଧ ସମସ୍ୟା ସଂପର୍କରେ ଆଲୋକପାତ କରିଥିଲେ ।
ଅନ୍ୟମାନଙ୍କ ମଧ୍ୟରେ ଅରୁଣ ବେଜ, ରିଆଜ ଖାଁ, କମଳ ଚକ୍ରବର୍ତ୍ତୀ, ସୁକୁମାର ରଣା, ଝରଣା ସିଂ ପ୍ରମୁଖ ବକ୍ତବ୍ୟ ରଖିଥିବା ବେଳେ ଅନ୍ୟ ରାଜ୍ୟ ସରକାରଙ୍କ ଭଳି ସାମ୍ବାଦିକ ମାନଙ୍କୁ ଭତ୍ତା ପ୍ରଦାନ କରିବାକୁ ଦାବି କରିଥିଲେ । ଫାଲଗୁନୀ ପାଣିଗ୍ରାହୀ, ରବିନ୍ଦ୍ର ସେନାପତି, ସୁଶାନ୍ତ ପ୍ରଧାନ, ଅମର ଆଚାର୍ଯ୍ୟ, ଦୀନବଂଧୁ ପ୍ରଧାନ, ଅଶୋକ ଦାସ, ମନୋଜ ଭୂୟାଁ, ରବିନାରାୟଣ ପାତ୍ର, ଅଜୟ ଚକ୍ରବର୍ତ୍ତୀ, ତପନ ନାୟକ, ବିନୟ ପ୍ରଧାନ, ଗୌରୀ ଶଂକର ମହାନ୍ତି, ଦୁର୍ଗାଶଂକର ଗିରି, ତପୋଇ ଖଟୁଆ, ନିମାଇଁ ଘୋଷ, ଅଶ୍ୱିନୀ ନାଥ, ଗୌରଗୋପାଳ ସେନ୍, ଆଶିଷ ଗିରି, ରାଜେଶ ପ୍ରଧାନ, ଗୋପବଂଧୁ ସାହୁ ପ୍ରମୁଖ ଉପସ୍ଥିତ ରହି ସେମାନଙ୍କ ସୁଚିନ୍ତିତ ମତବ୍ୟକ୍ତ କରିଥିଲେ । ସଂଗଠନର ସଂପାଦକ ପତିତପାବନ ପ୍ରଧାନ ଉଦ୍ଦେଶ୍ୟ ଜ୍ଞାପନ ଓ ଧନ୍ୟବାଦ ପ୍ରଦାନ କରିଥିଲେ । ଏଥିରେ ଜଳେଶ୍ୱରର ବହୁ ଜନସାଧାରଣ ଯୋଗ ଦେଇଥିଲେ ।
