ନୀଳଗିରିରେ ଜାତୀୟ ପ୍ରେସ ଦିବସ ପାଳିତ
ନୀଳଗିରି : ନୀଳଗିରିରେ ‘ଉତ୍କଳ ସାମ୍ବାଦିକ ସଂଘ’ ନୀଳଗିରି ଶାଖା ପକ୍ଷରୁ ନୀଳଗିରି ଜଗନ୍ନାଥ କଲ୍ୟାଣ ମଣ୍ଡପ ପରିସରରେ ଅନୁଷ୍ଠିତ ହୋଇଯାଇଛି । ନୀଳଗିରି ଶାଖାର ସଂଘ ସଭାପତି ଖବରଦାତା ବ୍ରଜ କିଶୋର ପାଣିଙ୍କ ଅଧ୍ୟକ୍ଷତାରେ ହୋଇଥିବା ବେଳେ ଅତିଥିଭାବେ ନୀଳଗିରିର ପୂର୍ବତନ ବିଧାୟକ ଚିତରଞ୍ଜନ ଷଡ଼ଙ୍ଗୀ, ବ୍ଲକ ଅଧ୍ୟକ୍ଷା ଶୁଭଲକ୍ଷ୍ମୀ ମାଝୀ, ଏନ୍ଏସି ଅଧ୍ୟକ୍ଷଶ ଅମ୍ବିକା ଦାସ, ମଦନମୋହନ ମାଝୀ, ଉତ୍କଳ ସାମ୍ବାଦିକ ସଂଘର ବାଲେଶ୍ୱର ଜିଲା ସଭାପତି ଲୋକନାଥ ଦଳାଇ ମଞ୍ଚାସୀନ ରହି ଖବରଦାତାମାନଙ୍କର ଜୀବନଜିବିକା, ସେମାନଙ୍କର କର୍ତ୍ତବ୍ୟ ଉପରେ ନିଜ ନିଜର ବକ୍ତବ୍ୟ ରଖିଥିଲେ ।
ସାମ୍ବାଦିକ ମାନଙ୍କର କଲମମୁନରେ ହିଁ ସମାଜର ଅନେକ ପରିବର୍ତନ ଆସିଥାଏ ବୋଲି ଅତିଥିମାନେ ଦିଗଦର୍ଶନ ଦେଇଥିଲେ । ସମସ୍ତ ଅତିଥିମାନଙ୍କୁ ସଂଘ ପକ୍ଷରୁ ପୁଷ୍ପଗୁଚ୍ଛ ଦେଇ ସ୍ୱାଗତ କରାଯାଇଥିଲା । ଏହି ଅବସରରେ ‘ପରିବର୍ତ୍ତିତ ପରିସ୍ଥିତିରେ ମୂଲ୍ୟବୋଧ ଭିତ୍ତିକ ସାମ୍ବାଦିକତ’ ଉପରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଖବରଦାତା ଅଶେଷ କୁମାର ସ, ପ୍ରଶାନ୍ତ ବିଶ୍ୱାଳ, ବିଜୟ ଲେଙ୍କା, ଜଗନ୍ନାଥ ପାତ୍ର, ଗଣେଶ ଜେନା, ଜଗନ୍ନାଥ ଦାସ, ପ୍ରିୟନାଥ ବେହେରା, ଭଗବାନ ମହଲ, ବିଜୟ ପ୍ରଧାନ, କପିଳ ସାମଲ, ପ୍ରଫୁଲ୍ଲ ମହାନ୍ତି, ବିଶ୍ୱମ୍ବର ଦାସ, ଖଗେନ୍ଦ୍ର ପ୍ରମାଣିକ ସମେତ ସମସ୍ତ ଗଣମାଧ୍ୟମର ପ୍ରତିନିଧିମାନେ ଉପସ୍ଥିତ ଥିଲେ ।
