ବାଲିଆପାଳ ପ୍ରେସ କ୍ଲବ ପକ୍ଷରୁ ଜାତୀୟ ପ୍ରେସ ଦିବସ ପାଳିତ
ବାଲିଆପାଳ : ବାଲେଶ୍ୱର ଜିଲା ବାଲିଆପାଳ ପ୍ରେସ କ୍ଲବ ପକ୍ଷରୁ ବାଲିଆପାଳ ବିଶ୍ୱାସ ସ୍ୱେଚ୍ଛାସେବୀ ଅନୁଷ୍ଠାନ ସ୍ୱଭାଗୃହ ପରିସରରେ ବୁଧବାର ଜାତୀୟ ପ୍ରେସ ଦିବସ ପାଳିତ ହୋଇଯାଇଛି । ବାଲିଆପାଳ ପ୍ରେସ କ୍ଲବ ସଭାପତି ଅଜୟ କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଜାମଶୁଳି କଲେଜର ବରିଷ୍ଠ ଅଧ୍ୟାପକ ଡ. ସୁକାନ୍ତ ଗିରି ଯୋଗଦେଇ ଜାତୀୟ ପ୍ରେସ ଦିବସ ବିଷୟରେ ବକ୍ତବ୍ୟ ପ୍ରଦାନ କରି କହିଥିଲେ ଯେ ସୀମାରେ ସୈନିକ ଦେଶକୁ ରକ୍ଷା କରିବା ପାଇଁ ଯେପରି ୨୪ ଘଣ୍ଟା ଜଗିଥାଏ ସେହିପରି ଖବରଦାତା ୨୪ ଘଣ୍ଟା ତା ଅଞ୍ଚଳର ପ୍ରତିଟି ଖବର ପ୍ରତି ସଜାଗ ଥାଏ । ବହୁତ ଲୋକ ଲାଗି ଯାହା କରି ନ ପାରିବେ ଜଣେ ଖବରଦାତା ଚାହିଁଲେ ବହୁତ କିଛି କରିପାରିବ । ସେ ତା ଅଞ୍ଚଳର ପ୍ରତିଟି କଥାକୁ ସାଧାରଣ ଲୋକଙ୍କ ଆଗରେ ଉପସ୍ଥାପନ କରିଥାନ୍ତି । ଅନ୍ୟମାନଙ୍କ ମଧ୍ୟରେ ଖବରଦାତା ଦିଲିପ ଦାସ, ଅଶୋକ କୁମାର ଜେନା, କୃପାସିନ୍ଧୁ ପଣ୍ଡା, ରାମକୃଷ୍ଣ ଦାସ ଅଧିକାରୀ ପ୍ରମୁଖ ଏହି ଅବସରରେ ବକ୍ତବ୍ୟ ପ୍ରଦାନ କରିଥିଲେ । ଜ୍ୟୋତିପ୍ରକାଶ ସାହୁ ଧନ୍ୟବାଦ ଦେଇଥିଲେ ।
