ନାସା ଛାଡ଼ିଲା ଗାଲାକ୍ସି ଫୋଟୋ; ସାମ୍ନାକୁ ଆସିଲା ବ୍ରହ୍ମାଣ୍ଡର ପ୍ରଥମ ରଙ୍ଗୀନ୍ ଫଟୋ
ଓ୍ୱାଶିଂଟନ: ନାସା ବିଶ୍ୱର ସର୍ବବୃହତ ତଥା ଶକ୍ତିଶାଳୀ ମହାକାଶ ଟେଲିସ୍କୋପ “ଜେମ୍ସ ୱେବ୍ ସ୍ପେସ୍ ଟେଲିସ୍କୋପ” ରୁ ନିଆଯାଇଥିବାୟ ବ୍ରହ୍ମାଣ୍ଡର ପ୍ରଥମ ପୂର୍ଣ୍ଣ ରଙ୍ଗୀନ୍ ଛବି ଜାରି କରିଛି। ଏହା ହେଉଛି ବ୍ରହ୍ମାଣ୍ଡର ସର୍ବୋଚ୍ଚ ରିଜୋଲ୍ୟୁସନ୍ ଫଟୋ | ଆମେରିକାର ରାଷ୍ଟ୍ରପତି ଜୋ ବାଇଡେନ ଏହି ଫଟୋ ଜାରି କରି ଏହାକୁ ବିଜ୍ଞାନ ଓ ପ୍ରଯୁକ୍ତିବିଦ୍ୟା ପାଇଁ ଏକ ଐତିହାସିକ ମୁହୂର୍ତ୍ତ ବୋଲି କହିଛନ୍ତି । ଜ୍ୟୋତିର୍ବିଜ୍ଞାନ ଏବଂ ମହାକାଶ ଅନୁସନ୍ଧାନ ପାଇଁ ମାଇଲଖୁଣ୍ଟ ସାବ୍ୟସ୍ତ ହେବ । ଆମେରିକା ଓ ସମସ୍ତ ମାନବିକତାକୁ ଏହା ସମର୍ପିତ ବୋଲି ବାଇଡେନ କହିଛନ୍ତି ।
୧୦ ବିଲିୟନ ଡଲାରର ଜେମ୍ସ ୱେବ୍ ସ୍ପେସ୍ ଟେଲିସ୍କୋପରୁ ଉତ୍ତୋଳିତ ଏହି ଫଟୋ ହେଉଛି ବ୍ରହ୍ମାଣ୍ଡର ସବୁଠାରୁ ଗଭୀରତମ ଦୃଶ୍ୟ | ମଙ୍ଗଳବାର ବ୍ରହ୍ମାଣ୍ଡର ଆଉ ଚାରିଟି ସଟ୍ ଜାରି କରାଯିବ । ହ୍ବାଇଟ୍ ହାଉସର ଏକ ଇଭେଣ୍ଟରେ ଜାରି ହୋଇଥିବା ବ୍ରହ୍ମାଣ୍ଡର “ଡିପ୍ ଫିଲ୍ଡ” ଫଟୋରେ ଉଜ୍ଜ୍ୱଳ ନକ୍ଷତ୍ରମାନଙ୍କ ସମାହାର ଦୃଶ୍ୟମାନ ହେଉଛି । ଗତ ଡିସେମ୍ବରରେ ବିଶ୍ୱର ସର୍ବବୃହତ ତଥା ଶକ୍ତିଶାଳୀ ମହାକାଶ ଟେଲିସ୍କୋପ ଦକ୍ଷିଣ ଆମେରିକାର ଫ୍ରେଞ୍ଚ ଗୁଇନାଠାରୁ ଦୂରେଇ ଯାଇଥିଲା। ଜାନୁଆରୀରେ ଏହା ପୃଥିବୀଠାରୁ ୧ ମିଲିୟନ୍ ମାଇଲ୍ (୧.୬ ମିଲିୟନ୍ କିଲୋମିଟର) ରେ ଏହାର ଲୁକ୍ ଆଉଟ୍ ପଏଣ୍ଟରେ ପହଞ୍ଚିଥିଲା | ୱେବ୍ ଅତ୍ୟଧିକ ସଫଳ ତଥା ସବୁଠୁ ପୁରୁଣା ହବଲ୍ ସ୍ପେସ୍ ଟେଲିସ୍କୋପର ଉତ୍ତରାଧିକାରୀ ଭାବରେ ବିବେଚନା କରାଯାଏ |
ଗତ ଶୁକ୍ରବାର ନାସା ଜେମ୍ସ ୱେବ୍ର ପ୍ରଥମ ପାଞ୍ଚଟି ମହାଜାଗତିକ ଲକ୍ଷ୍ୟ ପ୍ରକାଶ କରିଥିଲା। ସେଥିମଧ୍ୟରେ କୈରିନା ନେବୁଲା ଯାହା ୭,୬୦୦ ବର୍ଷ ଯାଏ ଦୂରରୁ ଧୂଳି ଏବଂ ଗ୍ୟାସର ଏକ ଗ୍ରହ । ଏହାସହ ଦକ୍ଷିଣ ରିଙ୍ଗ୍ ନେବୁଲା ସାମିଲ ରହିଛି । ଯାହା ୨ ହଜାର ବର୍ଷ ଦୂର ତାରାମାନ ଘେରା ହୋଇରହିଛି । ଏହାଛଡା ଷ୍ଟିଫେନ କ୍ବିଣ୍ଟନ ଯାହା ୨୯୦ ମିଲିୟନ ଦୂର ଏକ ଗ୍ୟାଲେକ୍ସି ସାମିଲ ହୋଇଛି । ଶେଷରେ ସବୁଠୁ ଆକର୍ଷଣୀୟ ଏସଏମଏସିଏସ ୦୭୨୩ ଗ୍ୟାଲେକ୍ସି କଲଷ୍ଟର ଅନ୍ତର୍ଭୁକ୍ତ ଯାହା ଅନେକ ଗ୍ୟାଲେକ୍ସିର ଏକ ସମୂହ ।
ଯେଉଁଥିରେ ଗାଲାକ୍ସିର ରଙ୍ଗୀନ ଫଟୋ ଉତ୍ତୋଳନ ହୋଇଛି ତାହା ବର୍ତ୍ତମାନ ସୁଦ୍ଧା ମହାକାଶକୁ ପଠାଯାଇଥିବା ସବୁଠୁ ଜଟିଳ ଟେଲିସ୍କୋପ । ଏହାକୁ ପ୍ରସ୍ତୁତ କରିବା ପାଇଁ ପାଖପାଖି ୯୦୦ କୋଟି ଖର୍ଚ୍ଚ ହୋଇଛି । ଦକ୍ଷିଣ ଆମେରିକାର ଉତ୍ତରପୂର୍ବ ତଟରେ ଏହାକୁ ଲଞ୍ଚ୍ କରାଯାଇଥିଲା । ଏହାର ଓଜନ ୬,୩୫୦ କିଲୋ । ଏହି ଟେଲିସ୍କୋପ ୨୦୧୪ରେ ଖୋଜା ଯାଇଥିବା ଡବ୍ଲୁଏଏସପି-୯୬ବି ନାମକ ଗ୍ୟାସ ଗ୍ରହର ସ୍ପେକ୍ଟୋସ୍କପି କରିଥିଲା। ଡବ୍ଲୁଏଏସପି-୯୬ବି ପୃଥିବୀରୁ ୧,୧୫୦ ବର୍ଷ ଦୂରରେ ଅଛି । ଜାରି ହୋଇଥିବା ଚିତ୍ରରେ ଆକାଶଗଙ୍ଗା, ମହାକାଶରେ ବୁଲୁଥିବା ଶହ ଶହ ଗ୍ରହ, ଗ୍ରହାଣୁ ପୁଞ୍ଜ ଚିତ୍ର ସ୍ପଷ୍ଟ ଭାବେ ଦେଖାଯାଉଛନ୍ତି। ଗତକାଲି (ସୋମବାର) ହ୍ବାଇଟ ହାଉସରେ ‘ଜେମ୍ସ ୱେବ୍ ସ୍ପେସ୍’ ଟେଲିସ୍କୋପ ଦ୍ବାରା ଏହି ପ୍ରଥମ ପ୍ରତିଛବିକୁ ଉନ୍ମୋଚିତ କରିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ । ଏହାସହ ସମସ୍ତଙ୍କୁ ଅଭିନନ୍ଦନ ଜଣାଇଛନ୍ତି ବାଇଡେନ । ଆମେରିକା ଓ ସମଗ୍ର ମାନବଜାତି ପାଇଁ ଏହା ଏକ ଐତିହାସିକ ମୂହୁର୍ତ୍ତ ବୋଲି କହିଛନ୍ତି ବାଇଡେନ । ଆମେରିକା ଉପରାଷ୍ଟ୍ରପତି କମଲା ହାରିସ ମଧ୍ୟ ପ୍ରତିମ୍ବିବ ଉନ୍ମୋଚନ ସମୟରେ ଉପସ୍ଥିତ ଥିଲେ । ଏହା ଆମ ସମସ୍ତଙ୍କ ପାଇଁ ଏକ ବଡ ରୋମାଞ୍ଚକର ମୂହୂର୍ତ୍ତ । ବ୍ରହ୍ମାଣ୍ଡର ଏକ ନୂଆ ଅଧ୍ୟାୟ ବୋଲି କହିଛନ୍ତି ଉପରାଷ୍ଟ୍ରପତି କମଲା ହାରିସ ।
