ସାଇବର ଠକେଇରେ ଶିକାର ହେଲେ ଦୀପାଳି, ଥାନାରେ ମାମଲା

ସମ୍ବଲପୁର : ଦେଢ଼ ଲକ୍ଷ ଟଙ୍କାର ସାଇବର ଠକେଇ । ପ୍ରାୟତଃ ଅନେକେ ସାଇବର ଠକେଇର ଶିକାର ହେଉଛନ୍ତି କିନ୍ତୁ ଏହି ଠକେଇରେ ଗୋଟିଏ ଭିନ୍ନ ପ୍ରକାରେ ଠକେଇ କରିବାର ଘଟଣା ରହିଛି। ଯେ ଜଣେ ନିଜ ଓଟିପି ସେଆର ନ କରି ମଧ୍ୟ ତାଙ୍କୁ ଦେଢ଼ ଲକ୍ଷ ଟଙ୍କାର ଚୁନା ଲାଗିଛି। ଆଉ ସେଇ ସାଇବର ଠକେଇର ଶିକାର ହୋଇଛନ୍ତି ଓଡିଶାର ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀଙ୍କ ଝିଅ ଦୀପାଳି ଦାସ। ତାଙ୍କ ଆଇସିଆଇସିଆଇ ବ୍ୟାଙ୍କ ଏକାଉଣ୍ଟରୁ ଦେଢ଼ ଲକ୍ଷ ଟଙ୍କା କଟି ଯାଇଥବାର ସେ ଅଭିଯୋଗ କରିଛନ୍ତି। ଏ ବାବଦରେ ଗତକାଲି ରାତିରେ ସେ ସମ୍ବଲପୁର ଅଇଁଠାପାଲି ଥାନାରେ ଏଫଆଇଆର କରିଥବାର ଜଣାପଡିଛି।

ଦୁଇଟି ପର୍ଯ୍ୟାୟରେ ତାଙ୍କର ଆଇସିଆଇସିଆଇ ବ୍ୟାଙ୍କ ଏକାଉଣ୍ଟରୁ ଦେଢ଼ ଲକ୍ଷ ଟଙ୍କା କଟି ଯାଇ ଥିବା ନେଇ ସେ ଥାନାରେ ଲିଖିତ ଅଭିଯୋଗ କରିଛନ୍ତି। ତାଙ୍କର ଏକାଉଣ୍ଟ ଆଇସିଆଇସିଆଇ ବ୍ୟାଙ୍କରେ ରହିଛି। ଗତ ୬ ତାରିଖରେ ତାଙ୍କ ନିକଟକୁ ଓଟିପି ଆସିଥିଲା। ସେ ସେହି ଓଟିପିକୁ କାହାରି ସହ ସେଆର ମଧ୍ୟ କରି ନ ଥିବାର ସେ କହିଛନ୍ତି। କିନ୍ତୁ ତା’ପରେ ପ୍ରଥମ ପର୍ଯ୍ୟାୟରେ ତାଙ୍କ ଏକାଉଣ୍ଟରୁ ଏକ ଲକ୍ଷ ଟଙ୍କା କଟି ଯାଇଥିଲା। ପୁଣି ତା ପରବର୍ତ୍ତୀ ସମୟରେ ୫୦ ହଜାର ଟଙ୍କା କଟି ଯାଇଥିବାର ସେ ଥାନାରେ ଅଭିଯୋଗ କରିଛନ୍ତି। ଏମିତି ଭାବରେ ଦୁଇଟି ପର୍ଯ୍ୟାୟରେ ତାଙ୍କ ଆଇସିଆଇସିଆଇ ବ୍ୟାଙ୍କ ଏକାଉଣ୍ଟରୁ ଦେଢ଼ ଲକ୍ଷ ଟଙ୍କା କଟି ଯାଇଥିବାର ସେ ଥାନା ରେ ଅଭିଯୋଗ କରିଛନ୍ତି।

କିନ୍ତୁ ଆଶ୍ଚର୍ଯ୍ୟର ବିଷୟ ସେ କାହାକୁ ମଧ୍ୟ ଓଟିପି ସେଆର କରି ନ ଥିବା ସତ୍ୱେ ମଧ୍ୟ ତାଙ୍କର ବ୍ୟାଙ୍କ ଆକାଉଣ୍ଟରୁ କିଭଳି ଏତେ ଟଙ୍କା କିଭଳି ଗାୟବ ହୋଇଗଲା ତାହା ସମସ୍ତ ଙ୍କୁ ଆଶ୍ଚର୍ଯ୍ୟ କରି ଦେଇଛି। ଏବିଷୟରେ ସେ ଅଇଁଠାପାଲି ଥାନାରେ ଲିଖିତ ଅଭିଯୋଗ କରି ଥିବାରୁ ତଦନ୍ତ ଚଳାଇଛି ପୋଲିସ। ଏଘଟଣା ପରେ ଏବେ ଏକ ନୂଆ କ୍ରାଇମ ଆଖି ଆଗକୁ ଆସୁଛି। ସେଇଟା ହେଲା ଯେ ଜଣେ ବ୍ୟାଙ୍କ ଗ୍ରାହକ ନିଜ ପାଖକୁ ଆସିଥିବା ଓଟିପି କାହାରି ସହ ସେଆର କରି ନ ଥିବା ସତ୍ୱେ କିଭଳି ତାଙ୍କ ଟଙ୍କା ବ୍ୟାଙ୍କ ଏକାଉଣ୍ଟରୁ କଟିଯାଉଛି। ଗୋଟିଏ ପଟେ ଦୀପାଳି ତାଙ୍କ ଅଭିଯୋଗ ପତ୍ରରେ ଉଲ୍ଲେଖ କରିଛନ୍ତି ଯେ ସେ କାହାରି ସହ ତାଙ୍କ ନିକଟକୁ ଆସିଥିବା ଓଟିପି ସେଆର କରି ନାହାନ୍ତି। ଆଉ ଅନ୍ୟପଟେ ଓଟିପି ନ ଦେଲେ ଟଙ୍କା ଉଠାଣ ହୋଇ ପାରିବ ନାହିଁ। ଏବେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ ଓଟିପି ସେଆର ନ କଲେ ମଧ୍ୟ ଯଦି ବ୍ୟାଙ୍କରୁ ଟଙ୍କା ଲୁଟି ନେଉଛନ୍ତି ଲୁଟେରା।

ତା ହେଲେ ଆଉ କେଉଁଠି ସୁରକ୍ଷିତ ସ୍ଥାନ ରହିଛି ଯେ ଜଣେ ଗ୍ରାହକ ନିଜ କଷ୍ଟ ଅର୍ଜିତ ଧନକୁ ସୁରକ୍ଷିତ ରଖି ପାରିବ। ଏବେ ଏଫଆଇଆର ତ ଦେଇଛନ୍ତି ଦୀପାଳି ଦାଶ, ଦେଖାଯାଉ ଯଦି ଏହି ଘଟଣାର ଧୂର୍ତ୍ତ ଅପରାଧୀ ଧରା ପଡିଲେ ପ୍ରକୃତ ସତ୍ୟାସତ୍ୟ ହୁଏତ ଲୋକ ଲୋଚନକୁ ଆସିପାରିବ।