୪୦ ଲକ୍ଷରୁ ଉର୍ଦ୍ଧ୍ୱ ଟଙ୍କାର ବ୍ରାଉନସୁଗାର ଜବତ, ଜଣେ ଗିରଫ
ବାରିପଦା: ବାରିପଦା ଟାଉନ ପୁଲିସକୁ ବଡ ସଫଳତା ମିଳିଛି। ୪୦ଲକ୍ଷରୁ ଉର୍ଦ୍ଧ୍ୱ ଟଙ୍କାର ବ୍ରାଉନସୁଗାର ଜବତ ହୋଇଛି। ପୋଲିସ ଏହିି ଘଟଣାରେ ଜଣକୁ ଗିରଫ କରିଛି। ଗିରଫ ଯୁବକ ଜଣକ ହେଲେ ବାରିପଦା ଟାଉନ ଥାନା ଅନ୍ତର୍ଗତ ୱାର୍ଡ ନଂ ୨୭ ରବର ଗଛ ଗଳି ଅଞ୍ଚଳର ବୈଦ୍ୟନାଥ ପାଲଙ୍କ ପୁଅ ଗୋବିନ୍ଦ ପାଲ। ତେବେ ଗୋବିନ୍ଦଙ୍କ ନିକଟରୁ ୪୧୭ଗ୍ରାମ (ଆନୁମାନିକ ମୂଲ୍ୟ ୪୦ ଲକ୍ଷରୁ ଉର୍ଦ୍ଧ୍ୱ) ର ବ୍ରାଉନସୁଗାର ଜବତ କରିଛି ଟାଉନ ପୋଲିସ।
ବିଶେଷ ସୂତ୍ରରୁ ଖବର ପାଇ ବାରିପଦା ପୋଲିସର ସ୍ୱତନ୍ତ୍ର ଦଳ ଘରେ ଥିବା ବେଳେ ପୋଲିସ ଅତର୍କିତ ଭାବେ ଚଢ଼ାଉ କରି ଜବତ କରିବାରେ ସକ୍ଷମ ହୋଇଛି । ଯାହାର ଆନୁମାନିକ ମୂଲ୍ୟ ୪୦ଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ବୋଲି ଜଣାପଡିଛି । ତେବେ ଏହା ପଛରେ ଅନ୍ତଃରାଜ୍ୟ ରାକେଟ୍ କାମ କରୁଥିବା ସୂଚନା ଦେଇଛନ୍ତି ବାରିପଦା ଟାଉନ ଥାନା ପୋଲିସ ଅଧିକାରୀ ବୀରେନ୍ଦ୍ର କୁମାର ସେନାପତି।
