ମନି ଲଣ୍ଡରିଂ ମାମଲା : ୩ ମାସ ପରେ ସଞ୍ଜୟ ରାୱତଙ୍କୁ ମିଳିଲା ଜାମିନ

ମୁମ୍ବାଇ: ପାତ୍ରା ଚଲ୍ ଜମି ଦୁର୍ନୀତି ମାମଲାରେ ଶିବସେନା ସାଂସଦ ସଞ୍ଜୟ ରାଉତଙ୍କୁ ଜାମିନ ମିଳିଛି। ଦୀର୍ଘ ୩ ମାସ ପରେ ମୁମ୍ବାଇର ପୀଏମଏଲଏ କୋର୍ଟ ବୁଧବାର ଜାମିନ ପ୍ରଦାନ କରିଛନ୍ତି।

ଏହାପୂର୍ବରୁ ଉଭୟ ପକ୍ଷର ଯୁକ୍ତି ଶୁଣିବା ପରେ କୋର୍ଟ ତାଙ୍କ ଜାମିନ ଆବେଦନ ଉପରେ ରାୟ ସଂରକ୍ଷିତ ରଖିଥିଲେ। ପ୍ରାୟ ୧୦୦ ଦିନ ପରେ ସଞ୍ଜୟ ରାଉତ ଜେଲରୁ ମୁକୁଳିବେ। ତାଙ୍କ ଭାଇ ସୁନୀଲ ରାଉତଙ୍କୁ ମଧ୍ୟ ଜାମିନ ମିଳିଛି। ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ରାଉତଙ୍କ ବିରୋଧରେ ମନି ଲଣ୍ଡରିଂ ଅଭିଯୋଗର ଯାଞ୍ଚ କରୁଛି। ଇଡି ଅଭିଯୋଗ କରିଛି ଯେ ସଞ୍ଜୟ ରାଉତ ପୁରା ସ୍କାମର ମାଷ୍ଟରମାଇଣ୍ଡ । ଏହି ମାମଲା ମୁମ୍ବାଇର ଉତ୍ତର ଉପକଣ୍ଠରେ ଥିବା ପାତ୍ରା ଚାଲ୍ ପ୍ରକଳ୍ପର ପୁନଃ ନିର୍ମାଣ ସହ ଜଡିତ। ସଞ୍ଜୟ ରାଉତଙ୍କୁ ଅଗଷ୍ଟ ୧ରେ ଗିରଫ କରିଥିଲା ଇଡି। ଗିରଫ ପୂର୍ବରୁ ୮ ଦିନ ଇଡି ହାଜତରେ ରହିବା ପରେ ରାଉତଙ୍କୁ ବିଚାର ବିଭାଗୀୟ ହାଜତକୁ ପଠାଯାଇଥିଲା। ନଭେମ୍ବର ୨ ତାରିଖରେ ରାୱତଙ୍କ ନ୍ୟାୟିକ ହେପାଜତ ୧୪ ଦିନ ପାଇଁ ବଢ଼ାଯାଇଥିଲା । କିନ୍ତୁ ଜାମିନ ଆବେଦନ ବିଚାରକୁ ସୁରକ୍ଷିତ ରଖିବା ସହ ନଭେମ୍ବର ୯ ତାରିଖରେ ରାୟ ଶୁଣାଯିବ ବୋଲି ସ୍ଥିର ହୋଇଥିଲା । ଆଉ ଆଜି ଫଇସଲା ରାୱତଙ୍କ ସପକ୍ଷରେ ଯାଇଛି।