ପରିଖୀ ଓ ପାତ୍ରପଡ଼ା ଗ୍ରାମ ପଞ୍ଚାୟତରେ ବିଧାୟକଙ୍କ ନିର୍ବାଚନୀ ପ୍ରଚାର

ବାଲେଶ୍ୱର : ବାଲେଶ୍ୱର ସଦର ବ୍ଲକ ୨୬ ନଂ ଜୋନର ପରିଖୀ ଏବଂ ପାତ୍ରପଡ଼ା ଗ୍ରାମ ପଞ୍ଚାୟତରେ ପ୍ରଚାରର ମଙ୍ଗ ଧରି ପ୍ରାର୍ଥୀଙ୍କ ପାଇଁ ଭୋଟ ମାଗିବାକୁ ନିର୍ବାଚନୀ ମୈଦାନକୁ ଓଲ୍ହାଇଛନ୍ତି ବାଲେଶ୍ୱର ସଦର ବିଧାୟକ ଶ୍ରୀଯୁକ୍ତ ସ୍ୱରୂପ କୁମାର ଦାସ l ପରିଖୀ ଗ୍ରାମ ପଞ୍ଚାୟତର କୟାକଦଳା ଗ୍ରାମ ଏବଂ ପାତ୍ରପଡ଼ା ଗ୍ରାମ ପଞ୍ଚାୟତର ପାତ୍ରପଡ଼ା ଗ୍ରାମରେ ଅନୁଷ୍ଠିତ ସାଧାରଣ ସଭାରେ ଯୋଗଦାନ କରି ୨୬ ନଂ ଜୋନର ବିଜୁ ଜନତା ଦଳର ଜିଲା ପରିଷଦ ପ୍ରାର୍ଥୀ ସୋନାଲି ବିଶ୍ୱାଳ, ପରିଖୀ ଗ୍ରାମ ପଞ୍ଚାୟତର ସରପଞ୍ଚ ପ୍ରାର୍ଥୀ ଅଜୟ କୁମାର ଜେନା, ସମିତି ସଭ୍ୟ ପ୍ରାର୍ଥୀ ରାମଚନ୍ଦ୍ର ସିଂ ଏବଂ ସମସ୍ତ ୱାର୍ଡ଼ ମେମ୍ବର ପ୍ରାର୍ଥୀଙ୍କ ସହ ପାତ୍ରପଡ଼ା ଗ୍ରାମ ପଞ୍ଚାୟତର ସରପଞ୍ଚ ପ୍ରାର୍ଥୀନୀ ଅଞ୍ଜନା ଦାସ, ସମିତି ସଭ୍ୟ ପ୍ରାର୍ଥୀନୀ ଆରତୀ ମାଝୀ ଏବଂ ସମସ୍ତ ୱାର୍ଡ଼ ମେମ୍ବର ପ୍ରାର୍ଥୀଙ୍କୁ ଭୋଟ ଦେବା ପାଇଁ ନିବେଦନ କରିଛନ୍ତି ବିଧାୟକ ଶ୍ରୀ ଦାସ l

ମୁଖମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ବିକାଶ ଧାରାକୁ ବଜାଇ ରଖିବା ପାଇଁ ଶଙ୍ଖ ଚି଼ହ୍ନରେ ଭୋଟ ଦେବା ପାଇଁ ବିଧାୟକ ଶ୍ରୀ ଦାସ ନିବେଦନ କରିବା ସହ ମୁଖ୍ୟମନ୍ତ୍ରୀଙ୍କ ଜନକଲ୍ୟାଣକାରୀ ଯୋଜନା ଗୁଡିକ ଦ୍ୱାରା ସାଧାରଣ ଲୋକ କିଭଳି ଭାବେ ଉପକୃତ ହେଉଛନ୍ତି ତାହା ମଧ୍ୟ ବଖାଣି ଥିଲେ l ଅନ୍ୟମାନଙ୍କ ମଧ୍ୟରେ ସଦର ବ୍ଲକ ସଭାପତି ବସନ୍ତ ପଣ୍ଡା, ପରିଖୀ ପଞ୍ଚାୟତ ସଭାପତି ସୁନୀଲ ସେଠୀ, ପାତ୍ରପଡ଼ା ପଞ୍ଚାୟତ ସଭାପତି ରାମଚନ୍ଦ୍ର ଖିଲାର, ଟାଉନ ଯୁବ ସଭାପତି ଉମାଶଙ୍କର ତିଆଡ଼ି ପ୍ରମୁଖ ଉପସ୍ଥିତ ଥିଲେ l