କରୋନା ବଢ଼ାଇଲା ଚିନ୍ତା : ମିସ୍ ୱାର୍ଲ୍ଡ ୨୦୨୧ ଗ୍ରାଣ୍ଡ ଫିନାଲେ ବାତିଲ
ମିସ୍ ଇଣ୍ଡିଆ ମନସାଙ୍କ ସମେତ ୧୭ ସୁନ୍ଦରୀ ସଂକ୍ରମିତ
ମୁମ୍ବାଇ : ମିସ୍ ୱାର୍ଲ୍ଡ ୨୦୨୧ ପ୍ରତିଯୋଗିତାର ଗ୍ରାଣ୍ଡ୍ ଫିନାଲ୍ ଇଭେଣ୍ଟ କରୋନା କାରଣରୁ ବାତିଲ ହୋଇଛି । ଏହି ପ୍ରତିଯୋଗିତାରେ ଭାରତର ପ୍ରତିନିଧିତ୍ୱ କରୁଥିବା ମନସା ବାରାଣସୀଙ୍କ ସମେତ ୧୭ ଜଣ ପ୍ରତିଯୋଗୀ କୋରୋନା ସଂକ୍ରମିତ ହୋଇଛନ୍ତି। ସମସ୍ତଙ୍କୁ ପୁଏର୍ତୋ ଆଇସୋଲେସନରେ ରଖାଯାଇଛି।
ବାସ୍ତବରେ, ପୁଏର୍ତୋ ରିକୋରେ ଏହି ଇଭେଣ୍ଟ ଆଜି ଭାରତୀୟ ସମୟ ପ୍ରାୟ ୪ଟା ୩୦ ମିନିଟ ସମୟରେ ଅନୁଷ୍ଠିତ ହେବାର ଥିଲା, କିନ୍ତୁ କରୋନା କାରଣରୁ ଏହାକୁ ବର୍ତ୍ତମାନ ପର୍ଯ୍ୟନ୍ତ ସ୍ଥଗିତ ରଖାଯାଇଛି । ଆଗାମୀ ୯୦ ଦିନ ମଧ୍ୟରେ ସମାନ ସ୍ଥାନରେ ମିସ୍ ୱାର୍ଲ୍ଡ ପ୍ରତିଯୋଗିତା ଅନୁଷ୍ଠିତ ହେବ ବୋଲି ଆୟୋଜକମାନେ କହିଛନ୍ତି। ସମସ୍ତ ସୁନ୍ଦରୀଙ୍କୁ ସ୍ୱାସ୍ଥ୍ୟ କର୍ତ୍ତୃପକ୍ଷଙ୍କ ଅନୁମୋଦନ ପାଇବା ପରେ ଘରକୁ ଫେରିବାକୁ ଅନୁମତି ଦିଆଯିବ । ସୂଚନା ଯେ, ମିସ୍ ୟୁନିଭର୍ସ ହରନାଜ ସାନ୍ଧୁ ଘରକୁ ଫେରିଛନ୍ତି, କିନ୍ତୁ କରୋନା ଯୋଗୁଁ ତାଙ୍କୁ ୭ ଦିନ ପାଇଁ କ୍ୱାରେଣ୍ଟାଇନରେ ରଖାଯାଇଛି।
