ମାଣିକ ସିମୁଳିଆ ରାହାସ ମେଳା ଉଦଯାପିତ
ବାଲିଆପାଳ : ବାଲିଆପାଳ ବ୍ଲକ ବଡାଶ ପଞ୍ଚାୟତର ମାଣିକସିମୁଳିଆ ରାହାସ ମେଳା ଉଦଯାପିତ ହୋଇଯାଇଛି।ମଙ୍ଗଳବାର ଚନ୍ଦ୍ର ଗ୍ରହଣ ସମ୍ପୂର୍ଣ୍ଣ ହେବା ପରେ ସଂକୀର୍ତ୍ତନ,ଭକ୍ତ ସମାବେଶ ସହିତ ବିଭିନ୍ନ ପ୍ରକାର ପ୍ରତିଯୋଗିତା ହୋଇଥିଲା। ଏହି ଅବସରରେ ଛୋଟ ଛୋଟ ପିଲାଙ୍କ ଦ୍ଵାରା ହାସ୍ୟ ରସାତ୍ମକ ଗୀତି ନାଟ୍ୟ ‘ “କନ୍ୟା ଖୋଜା ଚାଲିଛି”ପରିବେଷଣ କରାଯାଇଥିଲା।ଏହାକୁ ନାଟ୍ୟକାର ରବୀନ୍ଦ୍ର ଦତ୍ତ ପରିଚାଳନା କରିଥିବା ବେଳେ ସ୍ୱର ସଂଯୋଜନା ଶଙ୍କର୍ଷଣ ପରିଡା ଓ ବାଦ୍ୟ ଯନ୍ତ୍ରରେ ରାଧାକୃଷ୍ଣ ସାହୁ ସହଯୋଗ କରିଥିଲେ।ଚକ୍ରଧର ଜେନା , ଏକାଦଶୀ ବେହେରା,କୃଷ୍ଣା କଲ୍ୟାଣୀ ଦାସ ପ୍ରମୁଖ ମଧ୍ୟ ଏଥିରେ ଅଂଶଗ୍ରହଣ କରିଥିଲେ।କୃଷ୍ଣ ଚନ୍ଦ୍ର ପିପିଲି କଲେଜର ରାଜନୀତି ବିଜ୍ଞାନ ବିଭାଗ ପ୍ରାଧ୍ୟାପକ ବିଶ୍ବମ୍ବର ଜେନା ଅତିଥି ଭାବରେ ଯୋଗ ଦେଇ ରବୀନ୍ଦ୍ର ଦତ୍ତ, ଶଙ୍କର୍ଷଣ ପରିଡା ,ରାଧାକୃଷ୍ଣ ସାହୁ ପ୍ରମୁଖ ଙ୍କୁ ସମ୍ବର୍ଦ୍ଧିତ କରିଥିଲେ।
