କେସିପୁରରେ ଝାଡାବାନ୍ତି ବ୍ୟାପିବାର ଖବର ପାଇ ସହାୟତାର ହାତ ବଢ଼ାଇଲେ ମହାବୀର ଫାଉଣ୍ଡେସନ
ସଜନାଗଡ : ନୀଳଗିରି ବ୍ଲକ ଅଧିନ କେସିପୁର ପଞ୍ଚାୟତ ଟୁଲୁକଡାଵ ଗାଁରେ ଝାଡାବାନ୍ତିରେ ଏକାଧିକ ଲୋକଙ୍କ ମୃତ୍ୟକୁ ନେଇ ଅଞ୍ଚଳରେ ଆତଙ୍କ ଖେଳି ଥିଲା। ଏପରିକି ପାଖ ଗ୍ରାମର ଲୋକମାନେ ସେଠାକୁ ଯିବାକୁ ଭୟ କରୁଛନ୍ତି । ଗଣମାଧ୍ୟମରୁ ଏଭଳି ଏକ ସମ୍ବେଦନଶୀଳ ଖବର ପାଇ ନୀଳଗିରି ଗୋପିନାଥପୁର ଅଞ୍ଚଳର ମହାବୀର ଫାଉଁଡେଷନ୍ ସହାୟତାର ହାତ ବଢାଇଛି।
ଫାଉଣ୍ଡେସନ ସେଠାରେ ପହଞ୍ଚି ଲୋକଙ୍କ ସ୍ୱାସ୍ଥ୍ୟବସ୍ଥା ବୁଝିବା ସହିତ ସେମାନଙ୍କୁ ଉତ୍ତମ ସ୍ୱାସ୍ଥ୍ୟ ପାଇଁ ସଚେତନତା କାର୍ଯ୍ୟକ୍ରମ କରିଥିଲା l ଗ୍ରାମର ପରିବେଶକୁ ବ୍ଲିଚିଙ୍ଗ ଦ୍ୱାରା ପରିଷ୍କାର କରିବା ସହିତ ଲୋକଙ୍କୁ ପାନୀୟ ଜଳ ପ୍ରଦାନ କରିଥିଲା ଏବଂ ସର୍ବଦା ପାଣିକୁ ଫୁଟାଇ ପିଇବା ପାଇଁ ପରାମର୍ଶ ଦେଇଥିଲେ l ଏହାସହିତ ଲୋକଙ୍କୁ ସାବୁନ, ମାସ୍କ ଏବଂ ଓଆରଏସ ବଣ୍ଟନ କରିଥିଲେ l ଫାଉଁଡେଷନ୍ ର ଉପଦେଷ୍ଟା ଗଗାଂଧର ବାରିକ୍, ପ୍ରତିଷ୍ଠାତା ବିଦ୍ୟାଧର ବାରିକ, ସଭାପତି ବିଶ୍ବସୁନ୍ଧର ବାରିକ୍, ସଂପାଦକ ସରୋଜ କୁମାର ବାରିକ ପ୍ରମୁଖ ଉପସ୍ଥିତ ରହି ଏହି କାର୍ଯ୍ୟକ୍ରମ କରିଥିଲେ।
