ବାଲେଶ୍ୱରରେ ଶୁଭିଲା ପ୍ରଚଣ୍ଡ ଶବ୍ଦ; ଡରରେ ଘରୁ ବାହାରକୁ ବାହାରିଲେ ଲୋକେ
ବାଲେଶ୍ୱର : ବାଲେଶ୍ୱରରେ ଶୁଭିଲା ପ୍ରଚଣ୍ଡ ଶବ୍ଦ । ପ୍ରଚଣ୍ଡ ଶବ୍ଦରେ ଦୋହଲିଲା ଘରଦ୍ୱାର । ଏହି ସମୟରେ ଘରର କବାଟଝରକା ଥରି ଉଠିଥିଲା । ଭୟରେ ଲୋକେ ଘରୁ ବାହାରକୁ ବାହାରି ଆସିଥିଲେ । ମିସାଇଲ ପରୀକ୍ଷଣ ଯୋଗୁଁ ଏହିଭଳି ଶବ୍ଦ ଅନୁଭୂତ ହୋଇଥିବା ଆଶଙ୍କା କରାଯାଉଛି । ଏହି ଶବ୍ଦ ବାଲେଶ୍ୱର, ବାରିପଦା, ଯାଜପୁର ଓ କେନ୍ଦୁଝରରେ ମଧ୍ୟ ଶୁଣାଯାଇଥିବାର ଜଣାପଡ଼ିଛି ।
ତେବେ ଏହା ପ୍ରଥମଥର ନୁହେଁ ଏହା ପୂର୍ବରୁ ମଧ୍ୟ ଏହି ଭଳି କିଛି ଘଟିଛି । କିଛି ଦିନ ତଳେ ପ୍ରଚଣ୍ଡ ଶବ୍ଦରେ ଥରି ଉଠିଥିଲା ଭଦ୍ରକ, ଯାଜପୁର ଓ କେନ୍ଦୁଝର । ତେବେ ଏହି ଶବ୍ଦ ପ୍ରକୃତରେ କ\’ଣ ଥିଲା, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଲୋକମାନେ ମଧ୍ୟ ଏହି ଶବ୍ଦ ଶୁଣି ଭୟଭୀତ ହୋଇପଡ଼ିଥିଲେ । ଏପର୍ଯ୍ୟନ୍ତ କୌଣସି ପ୍ରକୃତ କାରଣ ଜଣାପଡ଼ିନଥିବା ବେଳେ ଏହା ଏବେ ସନ୍ଦେହ ଘେରକୁ ଆସିଛି ।
