ଲିଫ୍ଟରେ ଅଘଟଣ, ମୃତ୍ୟୁ ସଂଖ୍ୟା ୭ କୁ ବୃଦ୍ଧି
ଥାନେ: ମହାରାଷ୍ଟ୍ର ଥାନେରେ ଗତକାଲି ଛିଣ୍ଡି ପଡିଥିଲା ଲିଫ୍ଟ । ଦୁର୍ଘଟଣାରେ ପ୍ରାୟ ୭ଜଣଙ୍କ ମୃତ୍ୟୁ ହୋଇଥିବା ଥାନେ ମୁନସିପାଲ କର୍ପୋରେସନ ପକ୍ଷରୁ ସୂଚନା ମିଳିଛି । ମୃତକଙ୍କ ପରିଚୟ ମିଳିସାରିଥିବାବେଳେ ଜଣେ ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳିନି ।
ସୂଚନା ଯେ, ଲିପ୍ଟରେ ଥିଲେ ୭ଜଣ ଶ୍ରମିକ। ସମସ୍ତଙ୍କ ମୃତ୍ୟୁ ହୋଇଛି । ଗତ ରବିବାର ସନ୍ଧ୍ୟାରେ ୪୦ ମହଲା ବିଶିଷ୍ଟ ଏକ ବିଲ୍ଡିଂରେ ଲିପ୍ଟ ଛିଣ୍ଡି ପଡିଥିଲା । ଛାତରେ ୱାଟର ପ୍ରୁଫିଂ କାମ ଚାଲିଥିଲା । ଶ୍ରମିକ ମାନେ କାମ ସାରି ଲିପ୍ଟରେ ତଳକୁ ଆସୁଥିବାବେଳେ ଘଟିଥିଲା ଦୁର୍ଘଟଣା । ଘଟଣାରେ ଶୋକ ବ୍ୟକ୍ତ କରିଛନ୍ତି ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ।
