ବାଲେଶ୍ୱର : ୭ଟି ଗ୍ରାମକୁ ପାନୀୟ ଜଳ ଯୋଗାଣ ପ୍ରକଳ୍ପର ଶିଳାନ୍ୟାସ କଲେ ବିଧାୟକ
ବାଲେଶ୍ୱର : ଓଡ଼ିଶା ସରକାରଙ୍କ ପଞ୍ଚାୟତିରାଜ ଏବଂ ପାନୀୟ ଜଳ ବିଭାଗ ତରଫରୁ ବାଲେଶ୍ୱର ସଦର ନିର୍ବାଚନ ମଣ୍ଡଳୀ ବୁଆଁଳ ଗ୍ରାମ ପଞ୍ଚାୟତରେ ୭ ଗୋଟି ଗ୍ରାମକୁ ପାଇପ ଯୋଗ ପାନୀୟ ଜଳ ଯୋଗାଣ ପ୍ରକଳ୍ପର ଶିଳାନ୍ୟାସ କରିଛନ୍ତି ବିଧାୟକ ସ୍ୱରୂପ କୁମାର ଦାସ l ପଞ୍ଚାୟତର ଦୀପାପାଳ, ପାରଦୀପା, କୁଡ଼ିଆ, ବଡ଼ସିନ୍ଧିଆ, ନୂଆପୁର, ପାରିକୁଳ, କୁଡ଼ିଆପାଟଣା ଗ୍ରାମର ଏହି ଉଦଘାଟନୀରେ ବିଶେଷ କରି ସ୍ଥାନୀୟ ଲୋକମାନଙ୍କ ଦ୍ୱାରା ବିଧାୟକ ଶ୍ରୀ ଦାସ ଫିତା କାଟିବା ସହିତ ନଡ଼ିଆ ଫଟାଇ ସମସ୍ତ ପ୍ରକଳ୍ପର ଶିଳାନ୍ୟାସ କରିଥିଲେ l
ସମସ୍ତ ଗ୍ରାମାଞ୍ଚଳରେ ପାଇପ ଯୋଗେ ପ୍ରତ୍ୟକ ଘରକୁ ପାନୀୟ ଜଳ ଯୋଗାଇବା ର ବ୍ୟବସ୍ଥା କରିଥିବାରୁ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ପଞ୍ଚାୟତିରାଜ ଓ ପାନୀୟଜଳ ଯୋଗାଣ ମନ୍ତ୍ରୀ ପ୍ରତାପ ଜେନାଙ୍କୁ ଧନ୍ୟବାଦ ଜ୍ଞାପନ କରିଛିନ୍ତି l ଅନ୍ୟ ମାନଙ୍କ ମଧ୍ୟରେ ବ୍ଲକ ଚେୟାରମ୍ୟାନ ନାରାୟଣ ପ୍ରଧାନ, ବ୍ଲକ ସଭାପତି ବସନ୍ତ ପଣ୍ଡା, ବ୍ଲକ ମହିଳା ସଭାପତି ଲିନା ସାହୁ, ପଞ୍ଚାୟତ ସଭାପତି ପ୍ରସନ୍ନ ପରିଡ଼ା, ଯୁବ ନେତା ଶକ୍ତିପଦ ରାୟ, ଅଜୟ ସାହୁ ପ୍ରମୁଖ ଉପସ୍ଥିତ ଥିଲେ l
